അജു വർഗ്ഗീസ് നായകനാകുന്ന 'കമല'യുടെ ചിത്രീകരണം ആരംഭിച്ചു

'പ്രേതം 2'ൻ്റെ വമ്പൻ ഹിറ്റിന് ശേഷം രഞ്ജിത്ത് ശങ്കര്‍ ഒരുക്കുന്ന കമലയുടെ ഷൂട്ടിങ് ആരംഭിച്ചു. അജു വര്‍ഗ്ഗീസാണ് ചിത്രത്തിലെ നായകൻ. ത്രില്ലര്‍ ഗണത്തിൽ പെടുന്ന ചിത്രമാകും കമലയെന്ന് ചിത്രത്തിൻ്റെ പ്രഖ്യാപന വേളയിൽ തന്നെ സംവിധായകൻ വ്യക്തമാക്കിയിരുന്നു. അനൂപ് മേനോന്‍, പുതുമുഖം റുഹാനി ശര്‍മ്മ എന്നിവരാണ് ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. രഞ്ജിത്ത് ശങ്കര്‍ തന്നെയാണ് ചിത്രത്തിന് തിരക്കഥ ഒരുക്കുന്നത്.

Also Read: പ്രഭാസിനെ കാണണം; മൊബൈൽ ടവറിന് മുകളില്‍ കയറി ആരാധകന്‍റെ ആത്മഹത്യാ ഭീഷണി

ചാലക്കുടി കമ്പനിപ്പടിയിലെ ആനവീട്ടില്‍ ആരംഭിച്ച കമലയുടെ സ്വിച്ചോണ്‍ രഞ്ജിത്ത് ശങ്കര്‍ നിര്‍വ്വഹിച്ചു. അഞ്ജു വര്‍ഗ്ഗീസാണ് ആദ്യ ക്ലാപ്പടിച്ചത്. ചടങ്ങിൻ്റെ ചിത്രങ്ങൾ അജു വ‍ഗ്ഗീസ് സോഷ്യൽ മീഡിയയിലൂടെ ആരാധകരുമായി പങ്കുവെച്ചിട്ടുണ്ട്. ബിജു സോപാനം, സുനില്‍ സുഖദ, ഗോകുലന്‍, മൊട്ട രാജേന്ദ്രന്‍, സജിന്‍ ചെറുകയില്‍, അഞ്ജന അപ്പുക്കുട്ടന്‍, ശ്രുതി ജോണ്‍ തുടങ്ങിയവരാണ് ചിത്രത്തിലെ മറ്റു താരങ്ങൾ. ഡ്രീംസ് എന്‍ ബിയോണ്ട്സിൻ്റെ ബാനറിലാണ് ഈ ചിത്രം നിര്‍മ്മിക്കുന്നത്.

Also Read: മലയാളത്തിൻ്റെ ആദ്യനായിക പി.കെ റോസിയുടെ പേരിൽ WCC ഫിലിം സൊസൈറ്റി ഒരുക്കുന്നു

ആനന്ദ് മധുസൂദനനാണ് ചിത്രത്തിലെ ഗാനങ്ങൾക്ക് രചനയും സംഗീത സംവിധാനവും നിര്‍വ്വഹിക്കുന്നത്. ഷഹനാദ് ജലാലാണ് കമലയുടെ ഛായാഗ്രഹണം നിര്‍വ്വഹിക്കുന്നത്. മനോജ് പൂങ്കുന്നമാണ്
പ്രൊഡക്ഷന്‍ കണ്‍ട്രോളര്‍, മേക്കപ്പ്: റോണക്സ് സേവ്യര്‍, വസ്ത്രാലങ്കാരം: അരുണ്‍ മനോഹര്‍, കല: മനു ജഗദ്, സ്റ്റില്‍സ്: നവിന്‍ മുരളി.


ആദില്‍ എന്‍. അഷറഫ് ആണ് ചിത്രസംയോജനം. അതേസമയം പരസ്യക്കല: ഏൻ്റെണി സ്റ്റീഫന്‍, , ചീഫ് അസ്സോസിയേറ്റ് ഡയറക്ടര്‍: ഫിലിപ്പ് ഫ്രാന്‍സിസ്സ്, അസോസിയേറ്റ് ഡയറക്ടര്‍: ബിനില്‍ ബാബു, അസിസ്റ്റൻ്റ് ഡയറക്ടര്‍: അനൂപ് മോഹന്‍ എസ്സ്, സുധീഷ് ഭരതന്‍, സച്ചിന്‍ നെല്ലൂര്‍, ഫിനാന്‍സ് കണ്‍ട്രോളര്‍: വിജീഷ് രവി, പ്രൊഡക്ഷന്‍ എക്സിക്യൂട്ടീവ്: സജീവ് ചന്തിരൂര്‍, വാര്‍ത്ത പ്രചരണം: എ.എസ്. ദിനേശ്.