അക്ഷയ് കുമാറിന്‍റെ ‘ഗോൾഡ്’; ട്രെയിലര്‍ കാണാം

അക്ഷയ് കുമാർ നായകുന്ന പുതിയ ചിത്രം ഗോള്‍ഡ് ട്രെയിലർ പുറത്തുവിട്ടു. ഇന്ത്യയുടെ ഹോക്കി ചരിത്രത്തെ കുറിച്ചാണ് ചിത്രം പറയുന്നത്. തലാഷ് ഒരുക്കിയ റീമ കഗ്തിയാണ് ചിത്രം സംവിധാനം ചെയ്യുന്നത്.റീമ കഗ്തി തന്നെയാണ് ഗോള്‍ഡിന്‍റെ തിരക്കഥ എഴുതുന്നത്.

അക്ഷയ് കുമാര്‍ ചെറുപ്പക്കാരനായ തപന്‍ ദാസ് എന്ന മാനേജറുടെ കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്. രാജ്യത്തെയും ഹോക്കിയെയും ഒരുപോലെ സ്നേഹിക്കുന്ന ഒരു ബംഗാൾ സ്വദേശിയാണ് തപന്‍ ദാസ്. 1948-ല്‍ നടന്ന ഒളിമ്പിക്‌സില്‍ ഇന്ത്യ ഹോക്കിയില്‍ സ്വര്‍ണം നേടിയ ചരിത്രമാണ് ചിത്രം പറയുന്നത്.



വിനീത് സിംഗ്, സണ്ണി കുശാല്‍, മൗനി റോയി,കുനാല്‍ കപൂര്‍, അമിത് സാദ് എന്നിവരും ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. എക്സലന്‍റ് എന്‍റര്‍ടെയിന്‍മെന്‍റിന്‍റെ ബാനറില്‍ റിതേഷ് സിദ്ധ്വാണിയും ഫര്‍ഹാന്‍ അക്തറും ചേര്‍ന്നാണ് ചിത്രം നിര്‍മ്മിക്കുന്നത്. ആഗസ്റ്റ് 15നാണ് ചിത്രം തീയേറ്ററുകളിലെത്തുക.