'ബിഗ്ബി'യുടെ രണ്ടാംഭാഗം വരുന്നു 'ബിലാൽ'

മമ്മൂട്ടി മാസ് വേഷത്തിലെത്തിയ ബിലാല്‍ ജോണ്‍ കുരിശുങ്കല്‍ വീണ്ടും. അമല്‍ നീരദ്- മമ്മൂട്ടി-കൂട്ടുകെട്ടില്‍ പിറക്കുന്ന രണ്ടാം ചിത്രത്തിന്‍റെ പേര് ബിലാലെന്നാണ്. അമല്‍ നീരദാണ് ഇക്കാര്യം ഔദ്യോഗികമായി വെളിപ്പെടുത്തിയത്. അടുത്ത വര്‍ഷമായിരിക്കും സിനിമയുടെ ചിത്രീകരണം ആരംഭിക്കുക.
ഛായാഗ്രാഹകനായി ബോളിവുഡില്‍ തിളങ്ങിയ അമല്‍ നീരദ് 2007 ല്‍ ആക്ഷന്‍ ത്രില്ലര്‍ ബിഗ്ബി സംവിധാനം ചെയ്തിരുന്നു. ബിഗ്ബിക്ക് സമ്മിശ്ര പ്രതികരണമായിരുന്നു തിയേറ്ററില്‍ ലഭിച്ചത്. പിന്നീട് ചിത്രത്തെ പുകഴ്ത്തി പലരും രംഗത്ത് എത്തിയിട്ടുണ്ട്. ദുല്‍ഖര്‍ സല്‍മാൻ നായകനായ സി ഐഎയ്ക്ക് ശേഷമാണ് അമല്‍ നീരദ് മറ്റൊരു ചിത്രവുമായി എത്തുന്നത്.