ക്യാൻസർ കണ്ടെത്താൻ 'അമ്മ'യുടെ മൊബൈൽ ക്ലിനിക്

കൊച്ചി: ക്യാൻസ‍ർ രോഗ നി‍ർണ്ണയത്തിനായ സഞ്ചരിക്കുന്ന ക്ലിനിക്കുകൾ നിരത്തിലിറക്കാൻ താരസംഘടനയായ അമ്മ. നാല് മാസത്തിനുള്ളില്‍ ബസ്സുകള്‍ നിരത്തിലിറക്കാനാണ് പദ്ധതിയിടുന്നതെന്നും അമ്മ പ്രസിഡന്റ് ഇന്നസെന്റ് വാര്‍ത്താസമ്മേളനത്തില്‍ പറഞ്ഞു. അമ്മയുടെ ഇരുപത്തിരണ്ടാം വാര്‍ഷിക പൊതുയോഗത്തിലാണ് തീരുമാനം.

വീടില്ലാത്ത അന്‍പത്തിരണ്ടോളം നിര്‍ധനര്‍ക്ക് വീട് നിര്‍മ്മിച്ചു നല്‍കാനും യോഗത്തില്‍ തീരുമാനമായി. മുന്‍കാല അഭിനേതാക്കളായ 11 പേര്‍ക്ക് കൂടി 5000 രൂപ കൈനീട്ടം നല്‍കാനും തീരുമാനിച്ചു. സലീം കുമാറും, ജഗദീഷും യോഗത്തില്‍ പങ്കെടുക്കാത്തതിന് കാരണങ്ങള്‍ അറിയിച്ചിട്ടുണ്ട്. സലീം കുമാര്‍ രാജിവച്ചിട്ടില്ലെന്നും ഇന്നസെന്റ് കൂട്ടിച്ചേര്‍ത്തു.അമ്മ ഭാരവാഹികളായ മമ്മൂട്ടി, മോഹന്‍ലാല്‍, ഇടവേള ബാബു, നിവിന്‍ പോളി, ഗണേഷ് കുമാര്‍ ഉള്‍പ്പെടെയുള്ളവര്‍ വാര്‍ത്താസമ്മേളനത്തില്‍ പങ്കെടുത്തു.