കാത്തിരിക്കുന്ന ദുൽഖര്‍ ചിത്രത്തിൽ മറ്റൊരു സ൪പ്രൈസ് കൂടി; വെളിപ്പെടുത്തി സംവിധായകൻ!

സംവിധായകൻ ദുൽഖ‍ര്‍ സൽമാനെ നായകനാക്കി സംവിധായകൻ സത്യൻ അന്തിക്കാടിൻ്റെ മകൻ അനൂപ് സത്യൻ അന്തിക്കാട് സംവിധാനം ചെയ്യുന്ന വരനെ ആവശ്യമുണ്ട് എന്ന ചിത്രത്തിൽ വലിയ സര്‍പ്രൈസൊരുക്കിയിരിക്കുകയാണ് അണിയറപ്രവര്‍ത്തകര്‍. സുരേഷ് ഗോപിയും ശോഭനയും മുഖ്യ കഥാപാത്രത്തെ അവതരിപ്പിക്കുന്ന ചിത്രത്തിൽ കല്യാണി പ്രിയദര്‍ശനാണ് നായികയായി എത്തുന്നത്. എന്നാൽ ഇവരെയൊന്നും കൂടാതെ മറ്റൊരു സെലിബ്രിറ്റി കിഡ് കൂടി എത്തുന്നുണ്ട് എന്നതാണ് ആ സര്‍പ്രൈസ്. സംവിധായകൻ അനൂപ് സത്യൻ അന്തിക്കാട് തന്നെ പുറത്തു വിട്ടതാണ് ഈ വിവരം.

Also Read: സിക്സ് പാക്ക് ഉണ്ടോ എന്ന് ആരാധകന്‍; രസികന്‍ മറുപടി നല്‍കി കുഞ്ചാക്കോ ബോബന്‍

പ്രശസ്ത ഛായാഗ്രഹകൻ സന്തോഷ് ശിവൻ്റെ മകൻ ചിത്രത്തിൽ സുപ്രധാന കഥാപാത്രത്തെ അവതരിപ്പിക്കുന്നു എന്നതാണ് വരനെ ആവശ്യമുണ്ട് എന്ന ചിത്രത്തിൽ ഒളിപ്പിച്ചിരിക്കുന്ന മറ്റൊരു സവിശേഷത. സര്‍വജിത്ത് സന്തോഷ് ശിവൻ എന്ന പേരുള്ള കുട്ടി മിടുക്കൻ്റെ സൂപ്പര്‍ ക്യൂട്ട് വീഡിയോ പങ്കുവെച്ചുകൊണ്ടാണ് അനൂപ് ഇക്കാര്യം വെളിപ്പെടുത്തിയിരിക്കുന്നത്. അപ്പു എന്ന് വിളിപ്പേരുള്ള സര്‍വ്വജിത്തിൻ്റെ കുട്ടിക്കാലത്തുള്ള വീഡിയോ ആണ് അനൂപ് പങ്കുവെച്ചിരിക്കുന്നത്.

Also Read: ജെഎൻയു ആക്രമണം; വിദ്യാർത്ഥികൾക്ക് പിന്തുണയുമായി ദീപിക പദുകോൺ; സിനിമ ബഹിഷ്കരിക്കണമെന്ന് ബിജെപി നേതാവ്

ഫ്ലൈഓവറിനടുത്തുള്ള പഴയവീട്ടിലൊരു ഫ്ലൈറ്റുണ്ടെന്നും അത് നമുക്ക് പറത്താമെന്നും അപ്പു പറയുന്നു. സന്തോഷ് ശിവൻ പകര്‍ത്തിയ വീഡിയോയിൽ അച്ഛനെ ഫ്ലൈറ്റിൽ കയറ്റാമെന്നും അമ്മയെയും കയറ്റാമെന്നും താൻ ഫ്ലൈറ്റ് പറത്താമെന്നും ഓമനത്തം തുളുമ്പുന്ന ഭാവങ്ങളോടെ അപ്പു പറയുന്നുണ്ട്. എന്നാൽ പതിനെട്ട് തികയാതെ നീ എങ്ങനെയാണ് ഫ്ലൈറ്റ് പറത്തുന്നതെന്ന് സന്തോഷ് ശിവൻ ചോദിക്കുന്നതും വീഡിയോയിൽ കേൾക്കാം.

Also Read: 'അഹോയ്... ആരെങ്കിലുമുണ്ടോയ്...'; ചാക്കോച്ചൻ വിളിക്കുന്നു!, കാര്യമെന്തെന്നറിയണ്ടേ?

ഈ വീഡിയോ ആണ് താൻ സ്ട്രെസ്സ് ബസ്റ്ററായി കാണാറുള്ളതെന്നും അപ്പുവിൻ്റെ അച്ഛൻ സന്തോഷ് ശിവൻ തന്നെയാണ് വീഡിയോ തനിക്ക് പങ്കുവെച്ചതെന്നും അനൂപ് വീഡിയോ പങ്കുവെച്ചുകൊണ്ട് കുറിച്ചിരിക്കുന്നു. അനൂപ് സത്യൻ അന്തിക്കാട് ആദ്യമായി ഒരുക്കുന്ന ചിത്രമാണ് വരനെ ആവശ്യമുണ്ട്. ചിത്രത്തിൻ്റെ പ്രഖ്യാപന വേളയിൽ തന്നെ ഏറെ ശ്രദ്ധ ആകര്‍ഷിച്ച ചിത്രമാണ് ഇത്. ശോഭനയും സുരേഷ് ഗോപിയും ഏറെ കാലത്തിന് ശേഷം ഒന്നിച്ചഭിനയിക്കുന്നു എന്നതും കല്യാണിയും ദുൽഖറും ആദ്യമായി ഒന്നിച്ചഭിനയിക്കുന്നു എന്നതുമാണ് വലിയ പ്രത്യേകതകൾ.

Also Read: 'ചേട്ടന്‍ എങ്ങുമെത്താതെ കഷ്ടപ്പെടുന്നത് ഞാന്‍ കണ്ടിട്ടുണ്ട്'; മധു വാര്യരെ കുറിച്ച് മഞ്ജു

അതോടൊപ്പം ഈ വീഡിയോ പങ്കുവെച്ചതിനോടൊപ്പം തന്നെ അനൂപ് സത്യൻ ചിത്രത്തിൻ്റെ ലൊക്കേഷൻ ചിത്രങ്ങളും പങ്കുവെച്ചിട്ടുണ്ട്. ശോഭനയ്ക്കും അനൂപ് സത്യനും ദുൽഖറിനുമൊപ്പം ഉള്ള അപ്പുവിൻ്റെ ചിത്രങ്ങളും ഷൂട്ടിങ്ങിനിടെ പകര്‍ത്തിയ ചെറു വീഡിയോയും പങ്കുവെച്ചിട്ടുണ്ട്. ചിത്രത്തിൽ വളരെ പ്രധാനമായ കഥാപാത്രത്തെയാണ് അപ്പു അവതരിപ്പിക്കുന്നതെന്നാണ് ഇതിൽ നിന്ന് വ്യക്തമാകുന്നത്.


പത്രങ്ങളിലെ മാട്രിമോണി ക്ലാസിഫൈഡ്സ് പരസ്യങ്ങളുടെ പേജിന്‍റെ മാതൃകയിലാണ് വരനെ ആവശ്യമുണ്ട് എന്ന ചിത്രത്തിൻ്റെ ടൈറ്റിൽ പോസ്റ്റര്‍ പുറത്ത് വിട്ടിരുന്നത്. 2020ൽ ദുൽഖറിന്‍റേതായി ഒരുങ്ങുന്ന ഏറെ പ്രതീക്ഷയുള്ള ചിത്രം കൂടിയാണിത്. ദുൽഖര്‍ പ്രൊഡക്ഷൻസിൻ്റെ ബാനറിൽ എം സ്റ്റാര്‍ ഫിലിംസും വേഫെറര്‍ ഫിലിംസും ചേര്‍ന്ന് നിര്‍മ്മിക്കുന്ന ചിത്രം പ്രഖ്യാപന വേളയിൽ തന്നെ ഏറെ ശ്രദ്ധിക്കപ്പെട്ടിരുന്നു.