പെപ്പെയ്ക്ക് നല്ല രസമുള്ളൊരാളെ വേണം! 'മേരി ജാനി'ലേക്ക് നായികയെ തേടുന്നു

അങ്കമാലി ഡയറീസ്, സ്വാതന്ത്ര്യം അര്‍ദ്ധരാത്രിയിൽ, ജല്ലിക്കട്ട് തുടങ്ങിയ ചിത്രങ്ങളിലൂടെ ശ്രദ്ധ നേടിയ ആന്‍റണി വര്‍ഗീസ് നായകനാകുന്ന പുതിയ ചിത്രം ‘മേരി ജാനി'ലേക്ക് നായകയെ തേടുന്നു. നവാഗതനായ അഭിഷേക് കെ. എസ് സംവിധാനം ചെയ്യുന്ന ചിത്രം നര്‍മ്മത്തിനും പ്രണയത്തിനും ഒരു പോലെ പ്രാധാന്യം നല്‍കിയാണ് ഒരുക്കുന്നതെന്നാണ് സൂചന.

Also Read: കിടിലോൽക്കിടിലം ലുക്കിൽ ചെമ്പൻ വിനോദ്; 'ട്രാൻസ്' റിലീസിനായി കാത്തിരുന്ന് ആരാധകര്‍!

നല്ല രസമുള്ളൊരു നായിക, പ്രായം 18നും 23നും ഇടയിൽ, എഡിറ്റ് ചെയ്യാത്ത മൂന്ന് ചിത്രങ്ങൾ, ഒരൊറ്റ സെൽഫ് ഇൻട്രോ വീഡിയോ, 7356889768 എന്ന നമ്പറിലേക്ക് വാട്സാപ്പ് ചെയ്യണമെന്നാണ് അറിയിച്ചിരിക്കുന്നത്.

‘പൂമരം’, ജിബു ജേക്കബ്-ആസിഫ് അലി കൂട്ടുകെട്ടിലൊരുങ്ങുന്ന പുതിയ ചിത്രം ‘എല്ലാം ശരിയാകും’ എന്നീ ചിത്രങ്ങളുടെ ബാനറായ ഡോ. പോള്‍സ് എന്‍റര്‍ടെയിന്‍മെന്‍റ്സിന്‍റെ ബാനറില്‍ ഡോ. പോള്‍ വര്‍ഗീസ് ആണ് ചിത്രത്തിന്‍റെ നിര്‍മ്മാണം. അനുരാജ് ഒ.ബി ആണ് ചിത്രത്തിന്‍റെ രചന നിര്‍വ്വഹിക്കുന്നത്. 2020ല്‍ ചിത്രീകരണം ആരംഭിക്കുന്ന ചിത്രത്തില്‍ നിരവധി പുതുമുഖതാരങ്ങൾ അണിനിരക്കുന്നുണ്ട്.

Also Read: മാജിക് ആവര്‍ത്തിക്കാന്‍ ശോഭനയും സുരേഷ് ഗോപിയും; 'വരനെ ആവശ്യമുണ്ട്' ടീസര്‍

സിനിമ സ്വപ്നങ്ങളുമായി നടക്കുമ്പോൾ കൂടെ ഉണ്ടായിരുന്നവരിൽ ഒരാളായ ആളാണ് അഭിഷേകിന്‍റെ ആദ്യ സിനിമയിൽ ഒപ്പം കൂടുന്നു എന്നു പറഞ്ഞായിരുന്നു ഈ വർ‍ഷമാദ്യം ചിത്രത്തിന്‍റെ ടൈറ്റിൽ പോസ്റ്റര്‍ ആന്‍റണി പങ്കുവെച്ചിരുന്നത്. നായികയാവാൻ താല്‍പര്യമുള്ളവ‍‍‍‍‍ര്‍ക്ക് ചിത്രങ്ങളും മറ്റും അയക്കുന്നതിന് merijaanmovie@gmail.com എന്ന ഇ-മെയിൽ ഐഡിയും കൊടുത്തിട്ടുണ്ട്.

Also Watch :