ഇവരെല്ലാവരും കൂടി ഒരു വരവ് വരുന്നുണ്ട് നാളെ! അങ്കമാലിക്കാരൻ 'പെപ്പെ'ക്ക് വേണ്ടി

'അങ്കമാലി ഡയറീസ്', 'ജല്ലിക്കെട്ട്' എന്നീ ലിജോ ജോസ് പെല്ലിശ്ശേരി ചിത്രങ്ങളിലൂടെ ശ്രദ്ധേയനായ ആൻ്റണി വര്‍ഗ്ഗീസ് നായകനാകുന്ന പുതിയ ചിത്രമായ 'അജഗജാന്തര'ത്തിൻ്റെ ഫസ്റ്റ് ലുക്ക് പോസ്റ്റ‍ർ നാളെ (2.02.20) പുറത്തിറക്കും. ടിനു പാപ്പച്ചൻ ആണ് അജഗജാന്തരം എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത്. സ്വാതന്ത്ര്യം അര്‍ദ്ധരാത്രിയിൽ എന്ന ചിത്രത്തിന് ശേഷം ഇരുവരും ഒന്നിക്കുന്ന ചിത്രമാണിതെന്ന പ്രത്യേകതയമുണ്ട്.

Also Read: 'റാമിനൊപ്പം താനുമുണ്ട്!', ആരാധകരോട് പുതിയ വിശേഷം പങ്കുവെച്ച് ഇന്ദ്രജിത്ത്!

സിനിമാമേഖലയിലെ നിരവധി താരങ്ങൾ ചേർന്നാണ് ഫസ്റ്റ് ലുക്ക് പോസ്റ്റർ പുറത്തിറക്കുന്നത്. നടന്മാരായ പൃഥ്വിരാജ്, ടൊവിനോ, നിവിൻ പോളി, കുഞ്ചാക്കോ ബോബൻ, ജോജു ജോ‍‍ര്‍ജ്ജ്, ഇന്ദ്രജിത്ത്, ഉണ്ണി മുകുന്ദൻ, സണ്ണി വെയ്ൻ, അജു വർ‍ഗ്ഗീസ്, ബാലു വർഗ്ഗീസ്, കാളിദാസ് ജയറാം, സംവിധായകൻ ലിജോ ജോസ് പെല്ലിശ്ശേരി, നടിമാരായ അനു സിത്താര, ഐശ്വര്യ ലക്ഷ്മി, ഹണി റോസ്, നിഖില വിമൽ, പ്രയാഗ മ‍‍ാര്‍ട്ടിൻ, നിമിഷ സജയൻ, സംയുക്ത, അഹാന, നൂറിൻ, സാനിയ, അപർണ, ദീപ്തി, ഫുട്ബോൾ താരങ്ങളായ ഐഎം വിജയൻ, സി.കെ വിനീത്, പ്രശാന്ത്, മുഹമ്മദ് റാഫി തുടങ്ങിയവരൊക്കെ ചേർന്നാണ് ഫസ്റ്റ് ലുക്ക് പോസ്റ്റർ ഓൺലൈൻ ലോകത്ത് പുറത്തിറക്കുന്നത്.

ഒരു ഈസ്റ്റർ ദിവസം കിച്ചു പറഞ്ഞ കഥയിൽ നിന്നും തുടങ്ങിയ യാത്ര കിച്ചുവും വിനീതും കൂടി ആ കഥ ഒരു സിനിമാക്കഥയാക്കി ടിനു ചേട്ടനിലൂടെ അത് സിനിമയായി. പടത്തിന്‍റെ ആദ്യ പോസ്റ്റർ ഫെബ്രുവരി 2ന് ഇറങ്ങുകയാണ് , ഞങ്ങളുടെ സ്വപ്നത്തിന്‍റെ തുടക്കമാണ്, കട്ടക്ക് കൂടെ ഉണ്ടാകണേ എന്നു കുറിച്ചുകൊണ്ടാണ് ആന്‍റണി വ‍ർഗ്ഗീസ് ഫസ്റ്റ് ലുക്ക് പോസ്റ്റർ വരുന്നതായി അറിയിച്ചിരിക്കുന്നത്.

Also Read: വൈബ്രന്‍റ് ബ്ലൂവിൽ തിളങ്ങി പ്രിയാമണി; സ്റ്റണ്ണർ ലുക്കെന്ന് ആരാധകർ

നടൻ ചെമ്പൻ വിനോദ് ജോസും അജഗജാന്തരത്തിലുണ്ട്. ചെറുതുരുത്തിയിലെ വഴലിക്കാവ് ഭഗവതി ക്ഷേത്രത്തില്‍ വെച്ചായിരുന്നു ചിത്രത്തിൻ്റെ പൂജ ചടങ്ങുകള്‍ നടന്നിരുന്നത്. കേരളപ്പിറവിദിനത്തിലാണ് ആൻ്റണി വര്‍ഗ്ഗീസ് തൻ്റെ പുതിയ ചിത്രം പ്രഖ്യാപിച്ചിരുന്നത്. അങ്കമാലി ഡയറീസ് മുതൽ ഒപ്പം ഉണ്ടായിരുന്ന കിച്ചു ടെല്ലസും വിനീത് വിശ്വവും ആദ്യമായി എഴുതിയ ചിത്രമാണ് അജഗജാന്തരം. ഇതാണ് ഈ ചിത്രത്തിൻ്റെ വേറൊരു പ്രത്യേകത. കൂടെ അഭിനയിക്കാനും രണ്ടുപേരും ഉണ്ടെന്നും ഇവരെ കൂടാതെ ചെമ്പൻ വിനോദ്. സാബുമോൻ അബ്ദുസമദ്, അർജുൻ അശോകൻ, ലുക്ക്മാൻ, ജാഫർ ഇടുക്കി എന്നിവരും ഉണ്ടെന്നും ആൻ്റണി മുൻപ് വ്യക്തമാക്കിയിട്ടുണ്ട്. ആനപ്പറമ്പിലെ വേൾഡ്കപ്പ്, ഫാലിമി എന്നീ സിനിമകളാണ് ആന്‍റണിയുടേതായി ഇപ്പോള്‍ അണിയറയിൽ ഒരുങ്ങിക്കൊണ്ടിരിക്കുന്നത്.

Also Watch :