അനു ഇമ്മാനുവേൽ ഗൗതം മേനോൻ ചിത്രത്തിൽ നായിക

ആക്ഷന്‍ ഹീറോ ബിജു എന്ന മലയാള സിനിമയിലൂടെ നായികയായി അരങ്ങേറ്റം കുറിച്ച നടി അനു ഇമ്മാനുവേല്‍ ഗൗതം മേനോന്‍ ചിത്രത്തിൽ നായികയാകുന്നു.

ഗൗതം മേനോന്‍റെ അടുത്ത ചിത്രമായ ധ്രുവ നച്ചത്തിരത്തില്‍ സൂപ്പർ താരം വിക്രമിന്റെ നായികയാണ് താരം അഭിനയിക്കുന്നത്. ഗൗതം മേനോനാണ് ഇക്കാര്യം ഫേസ്ബുക്കിലൂടെ അറിയിച്ചിരിക്കുന്നത്.

ഇത് പ്രണയമായിരിക്കണം എന്ന അടിക്കുറിപ്പോടെ വിക്രമും അനുവും നിൽക്കുന്ന പോസ്റ്ററാണ് ഗൗതം പങ്കുവെച്ചിരിക്കുന്നത്.



ചിത്രത്തില്‍ കഥയെ മുന്നോട്ട് നയിക്കുന്ന കേന്ദ്രകഥാപാത്രമായാണ് അനു അവതരിപ്പിക്കുന്നതെന്നാണ് റിപ്പോർട്ടുകൾ.

Anu Immanuel in Gautham Vasudev Menon Movie.