മഞ്ജു വാര്യര്‍ക്കും മധുവിനുമൊപ്പം അനു മോഹന്‍! ജീവിതം ലളിതവും സുന്ദരവുമാണ്, ബട്ട് പവര്‍ഫുളെന്ന് നടന്‍! ചിത്രം വൈറല്‍!

പ്രഖ്യാപനം മുതലേ തന്നെ വാര്‍ത്തകളില്‍ നിറഞ്ഞുനിന്ന ചിത്രമാണ് ലളിതം സുന്ദരം. മധു വാര്യര്‍ സംവിധാനം ചെയ്ത സിനിമ തിയേറ്റര്‍ റിലീസിനായി കാത്തിരിക്കുകയാണ്. ആദ്യ സിനിമ തിയേറ്ററില്‍ തന്നെ റിലീസ് ചെയ്യുന്നതിനാണ് താല്‍പര്യമെന്ന് മധു വ്യക്തമാക്കിയിരുന്നു. ചിത്രീകരണം പൂര്‍ത്തിയാക്കിയ സിനിമയുടെ പോസ്റ്റ് പ്രൊഡക്ഷന്‍ ജോലികളും അവസാനിച്ചിരിക്കുകയാണ്. ചിത്രത്തിന്റെ പ്രിവ്യൂ കണ്ടതിനെക്കുറിച്ച് വാചാലനായെത്തിയിരിക്കുകയാണ് അനു മോഹന്‍.
കൊവിഡ്‌ കാലത്തെ പ്രതിസന്ധികൾക്കും തടസങ്ങൾക്കും ഇടയിൽ നിന്നുകൊണ്ട്‌ വളരെ ശാന്തമായും സുന്ദരമായും ലളിതം സുന്ദരം ഒരുക്കിയെടുത്ത്‌ അവസാനം ഇന്നലെ പ്രിവ്യൂ തീയറ്ററിൽ കണ്ടപ്പോൾ സിനിമയോടൊപ്പം ഞാനും എന്റെ ജീവിതത്തിലെ പല മൊമൻസുകളിലൂടെയും കടന്നുപോയി. ജീവിതം ലളിതവും സുന്ദരവുമാണ് ബട്ട് പവർഫുൾ എന്നായിരുന്നു അനു മോഹൻ കുറിച്ചത്.
ദ വാര്യേര്‍സ്, ഇന്നലെയാണ് ലളിതം സുന്ദരത്തിന്റെ ഫൈനല്‍ പ്രിവ്യൂ കണ്ടത്. വാര്യര്‍ സഹോദരങ്ങള്‍ക്കൊപ്പം പ്രവര്‍ത്തിക്കാനായതില്‍ സന്തുഷ്ടനാണ് താനെന്നും അനു കുറിച്ചിരുന്നു. മഞ്ജുവിനും മധുവിനുമൊപ്പമുള്ള ചിത്രവും അനു മോഹന്‍ പോസ്റ്റ് ചെയ്തിട്ടുണ്ട്.
കണ്ണെഴുതി പൊട്ടുംതൊട്ടിന് ശേഷം മഞ്ജു വാര്യരും ബിജു മേനോനും ഒന്നിച്ചെത്തുന്ന ചിത്രം കൂടിയാണ് ലളിതം സുന്ദരം. ഈ സിനിമയെക്കുറിച്ച് മധു ആദ്യം പറഞ്ഞത് ബിജു മേനോനോടായിരുന്നു. അദ്ദേഹത്തിന്റെ ഡേറ്റ് കിട്ടിയതിന് ശേഷമായാണ് മഞ്ജുവിനോട് കഥ പറഞ്ഞത്. കഥ ഇഷ്ടമായ മഞ്ജു സിനിമയുടെ നിര്‍മ്മാണവും ഏറ്റെടുക്കുകയായിരുന്നു. സഹോദരിയായല്ല മഞ്ജു സെറ്റില്‍ പെരുമാറിയത്. എന്താണ് ചെയ്യേണ്ടത് എന്നതിനെക്കുറിച്ച് കൃത്യമായി വിശദീകരിച്ചിരുന്നു. അതേ പോലെ കാര്യങ്ങള്‍ ചെയ്യുകയായിരുന്നു. നിര്‍മ്മാണം കൂടിയുള്ളതിനാല്‍ അതിന്റെ തിരക്കുകളിലുമായിരുന്നു മഞ്ജു. അമ്മയ്ക്കും ചേട്ടനും പിന്നാലെയായാണ് അനു മോഹനും അഭിനയ രംഗത്തേക്കെത്തിയത്. ലളിതം സുന്ദരത്തില്‍ സുപ്രധാന വേഷത്തിലാണ് താനെത്തുന്നതെന്നും എല്ലാവരും പിന്തുണയ്ക്കണമെന്നും താരം നേരത്തെ പറഞ്ഞിരുന്നു. മഞ്ജുവിനൊപ്പം സ്‌ക്രീന്‍ പങ്കിടാനായതിന്റെ സന്തോഷവും അനു പങ്കിട്ടിരുന്നു. ഒരു കുടുംബം പോലെയായാണ് എല്ലാവരും സെറ്റില്‍ ഇടപഴകിയതെന്നായിരുന്നു അനു മോഹന്‍ പറഞ്ഞത്.