തെലുങ്കില്‍ തക‍ർത്ത് അനുപമ; ശതമാനം ഭവതി ടീസര്‍

അനുപമ പരമേശ്വരന്‍ നായികയായെത്തുന്ന തെലുങ്ക് ചിത്രം ശതമാനം ഭവതി ടീസര്‍ പുറത്തിറങ്ങി. സതീഷ് വേജസ്ന സംവിധാനം ചെയ്യുന്ന ചിത്രത്തില്‍ ശര്‍വാനന്ദാണ് നായകനായി എത്തുന്നത്. ചിത്രത്തില്‍ പ്രകാശ് രാജും ജയസുധയും പ്രധാന വേഷങ്ങളിലെത്തുന്നു. അടുത്ത വര്‍ഷമാണ് ചിത്രത്തിന്റെ റിലീസ്.

മുത്തച്ഛനും കൊച്ചുമകനും തമ്മിലുള്ള ആത്മബന്ധമാണ് ചിത്രത്തിന്റെ പ്രമേയം.
മലയാളത്തില്‍ പ്രേമം എന്ന ചിത്രത്തിലൂടെയായിരുന്നു അനുപമയുടെ കടന്നുവരവ്. പ്രേമത്തിന്റെ തെലുങ്ക് റീമേക്കിങ്ങിലും അനുപമ അഭിനയിച്ചു. ധനുഷ് നായകനാകുന്ന കൊടി എന്ന ചിത്രത്തിലൂടെ തമിഴിലും അരങ്ങേറ്റത്തിനൊരുങ്ങുകയാണ് അനുപമ. മലയാളത്തില്‍ സത്യന്‍ അന്തിക്കാട് സംവിധാനം ചെയ്യുന്ന ജോമോന്റെ സുവിശേഷങ്ങള്‍ എന്ന ചിത്രത്തിലും അനുപമ എത്തുന്നുണ്ട്.