അര്‍ജ്ജുന്‍ അശോകനും സംയുക്ത മേനോനും ഷൈന്‍ ടോം ചാക്കോയും ഒന്നിക്കുന്ന 'വുൾഫ്'; വൈറലായി ടൈറ്റിൽ പോസ്റ്റർ!

അര്‍ജ്ജുന്‍ അശോകനെയും സംയുക്ത മേനോനെയും ഷൈന്‍ ടോം ചാക്കോയെയും മുഖ്യ കഥാപാത്രങ്ങളായി അഭിനയിക്കുന്ന ചിത്രമാണ് 'വുൾഫ്'. കഴിഞ്ഞ ദിവസം ഫഹദ് ഫാസിലിന്റെ ഫേസ്ബുക്ക് പേജിലൂടെയാണ് ടൈറ്റിൽ പ്രഖ്യാപിച്ചത്. ഷാജി അസീസാണ് ചിത്രം സംവിധാനം ചെയ്യുന്നത്. ഷാജി അസീസ് ഒരുക്കുന്ന മൂന്നാമത്തെ ചിത്രമാണ് വുള്‍ഫ്. ദാമര്‍ സിനിമയുടെ ബാനറില്‍ സന്തോഷ് ദാമോദരനാണ് ഈ ചിത്രം നിര്‍മ്മിക്കുന്നത്. ഇര്‍ഷാദ്, ജാഫര്‍ ഇടുക്കി എന്നിവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്. ചിത്രത്തിനായി രചന നിർവ്വഹിച്ചിരിക്കുന്നത് ജി.ആര്‍. ഇന്ദുഗോപനാണ്.

Also Read: വിടരും കൊഴിയും, ഇതളും ദിനവും; 'വികൃതി'യിലെ ഖദീജുമ്മയ്ക്ക് ആദരഞ്ജലികളുമായി സംവിധായകൻ

കഴിഞ്ഞ ഒക്ടോബർ 19ന് ഷൂട്ടിങ് ആരംഭിച്ച ചിത്രം കര്‍ശനമായ കൊവിഡ് പ്രോട്ടോക്കോള്‍ പാലിച്ചു കൊണ്ടാണ് ചിത്രീകരിക്കുന്നത്. ഇപ്പോൾ പുറത്ത് വിട്ടിരിക്കുന്ന പോസ്റ്ററിൻ്റെ തീം കളർ ചുവപ്പാണ്. ക്രൈം പശ്ചാത്തലത്തിലുള്ള കഥായാകുമോ ചിത്രം പറയുന്നത് എന്നറിയാനുള്ള ആകാംക്ഷയിലാണ് സിനിമാപ്രേമികൾ. സംവിധായകരായ ടി. കെ. രാജീവ് കുമാര്‍, അനില്‍. സി മേനോന്‍, പ്രിയനന്ദനന്‍, കെ. കെ. രാജീവ് തുടങ്ങി പതിനഞ്ചോളം സംവിധായകരുടെ കൂടെ സഹസംവിധായകനായി ജോലി നോക്കിയ ശേഷമാണ് സിനിമാരംഗത്തേക്ക് ചുവടു വെക്കുന്നത്.

Also Read: 'വികൃതി'യിലെ അമ്മ കഥാപാത്രത്തെ അവതരിപ്പിച്ച നടി ഗ്രേസി അന്തരിച്ചു

'ഷേക്സ്പിയര്‍ എം. എ. മലയാളം ' എന്ന സിനിമയുടെ തിരക്കഥ-സംവിധാന പങ്കാളിയായിക്കൊണ്ടാണ് ഷാജി അസീസ് സ്വാതന്ത്രനായി മാറുന്നത്. തുടർന്ന് ജയസൂര്യയെ നായകനാക്കി ഒരിടത്തൊരു പോസ്റ്റ് മാന്‍ എന്ന ചിത്രവും സംവിധാനം ചെയ്തു. തുടർന്ന് ഏറെ പ്രേക്ഷകരുള്ള ടെലിവിഷൻ സോഷ്യല്‍ സറ്റയര്‍ സീരിയലായ 'M80 മൂസ'യും ഒരുക്കി ഷാജി അസീസ് കൈയ്യടികൾ നേടി.