ഗൌരവമുണർത്തി 'വുൾഫ്'; ലോക്ക് ഡൌൺ കാലത്ത് നടന്ന കഥയോ?; ശ്രദ്ധ നേടി ട്രെയിലർ!

അര്‍ജ്ജുന്‍ അശോകനെയും സംയുക്ത മേനോനെയും ഷൈന്‍ ടോം ചാക്കോയെയും മുഖ്യ കഥാപാത്രങ്ങളാക്കി ഷാജി അസീസ് ഒരുക്കുന്ന 'വുൾഫ്' എന്ന സിനിമയുടെ ട്രെയിലർ പുറത്തിറങ്ങി. ലോക്ക് ഡൌണിൻ്റെ പശ്ചാത്തലത്തിലുള്ള ക്രൈം ബേസ്ഡ് ത്രില്ലറാണ് ചിത്രമെന്നാണ് ട്രെയിലർ സൂചിപ്പിക്കുന്നത്. ഷാജി അസീസ് ഒരുക്കുന്ന മൂന്നാമത്തെ ചിത്രമാണിത്. മലയാളത്തിൻ്റെ മെഗാസ്റ്റാർ മമ്മൂട്ടിയാണ് ട്രെയിലർ പുറത്ത് വിട്ടത്.ദാമര്‍ സിനിമയുടെ ബാനറില്‍ സന്തോഷ് ദാമോദരനാണ് ഈ ചിത്രം നിര്‍മ്മിക്കുന്നത്. ഇര്‍ഷാദ്, ജാഫര്‍ ഇടുക്കി എന്നിവരാണ് ചിത്രത്തിലെ മറ്റു കഥാപാത്രങ്ങളായെത്തുന്നത്. സിനിമയുടെ രചന നിർവ്വഹിച്ചിരിക്കുന്നത് ജി.ആര്‍. ഇന്ദുഗോപനാണ്.

Also Read: 'തൻ്റെ യാത്രയ്ക്കൊപ്പം ഇതുവരെ ഉണ്ടായിരുന്നവർക്കെല്ലാം നന്ദി'; മോദിക്കും ജൂറിയ്ക്കും മന്ത്രിയ്ക്കും നന്ദി പറഞ്ഞ് രജിനികാന്ത്!

സംവിധായകരായ ടി. കെ. രാജീവ് കുമാര്‍, അനില്‍. സി മേനോന്‍, പ്രിയനന്ദനന്‍, കെ. കെ. രാജീവ് തുടങ്ങി പതിനഞ്ചോളം സംവിധായകരുടെ കൂടെ സഹസംവിധായകനായിരുന്നയാളാണ് ഷാജി അസീസ്.

ഷേക്സ്പിയര്‍ എം. എ. മലയാളം ' എന്ന സിനിമയുടെ തിരക്കഥ-സംവിധാന പങ്കാളിയായിരുന്നു. ഒരിടത്തൊരു പോസ്റ്റ് മാന്‍ എന്ന ചിത്രവും സംവിധാനം ചെയ്തിട്ടുണ്ട്. ടെലിവിഷൻ സോഷ്യല്‍ സറ്റയര്‍ സീരിയലായ 'M80 മൂസ'യും ഒരുക്കിയിട്ടുള്ളത് ഷാജി അസീസാണ്.