ഒൻപതാം വാര്ഡിലെ മെമ്പര് രമേശനായി അർജുൻ തുടങ്ങി; ഒപ്പം ചെമ്പനും, ഷൂട്ടിങ് വിശേഷങ്ങൾ പങ്കുവെച്ച് താരം!
നവാഗതരായ ആന്റോ ജോസ് പെരേരയും എബി ട്രീസ പോളും ചേർന്ന് രചന നിർവഹിച്ച് സംവിധാനം ചെയ്യുന്ന ചിത്രമാണ് മെമ്പര് രമേശൻ 9-ാം വാര്ഡ് . അർജ്ജുൻ അശോകൻ നായകനാകുന്ന ചിത്രത്തിൻ്റെ ഷൂട്ടിങ് തുടങ്ങി.
രമേശനാകാൻ അശോകൻ
ബോബൻ, മോളി എന്നിവർ ചേർന്ന് ബോബൻ & മോളി എന്റർടൈൻമെന്റ്സിന്റെ ബാനറിലാണ് ഈ ചിത്രം നിർമ്മിക്കുന്നത്. ഗായത്രിയാണ് ചിത്രത്തിലെ നായിക. ടൊവിനോ തോമസ് ആയിരുന്നു ചിത്രത്തിൻ്റെ പോസ്റ്റർ പുറത്ത് വിട്ടത്. ഇത് ഏറെ വൈറലായിരുന്നു.
ഗ്രാമത്തിലെ കഥ!
ഗ്രാമ പശ്ചാത്തലത്തിലാണ് ചിത്രത്തിൻ്റെ കഥ പറയുന്നത്. ചിത്രം ഒരു മുഴുനീള പൊളിറ്റിക്കൽ ഫാമിലി എന്റർടൈനറായാണ് ഒരുക്കുന്നതെന്നാണ് റിപ്പോര്ട്ട്.
വൻ താരനിരയും
മെമ്പർ രമേശൻ 9-ാം വാർഡ് എന്ന ചിത്രത്തിൽ ചെമ്പൻ വിനോദ്, സാബുമോൻ അബ്ദുസമദ്, ശബരീഷ് വർമ്മ, ഗായത്രി അശോക് , ഇന്ദ്രൻസ്, മമ്മുക്കോയ, സാജു കൊടിയൻ, ജോണി ആന്റണി, ധർമ്മജൻ ബോൾഗാട്ടി എന്നിവരും അഭിനയിക്കുന്നുണ്ട്.
നായകനായി അർജ്ജുൻ
ചിത്രത്തിൻ്റെ എക്സികുട്ടീവ് പ്രൊഡ്യൂസർ ജോഷി തോമസാണ്. എൽദോ ഐസക്കാണ് ചിത്രത്തിൻ്റെ ഛായഗ്രഹണം നിര്വ്വഹിക്കുന്നത്.
കൈലാസ് മേനോൻ സംഗീതം
തീവണ്ടി, എടക്കാട് ബെറ്റാലിയൻ എന്നീ ചിത്രങ്ങളിലൂടെ ശ്രദ്ധേയനായ കൈലാസ് മേനോനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. ദീപു ജോസഫാണ് ചിത്രത്തിൻ്റെ ചിത്രസംയോജനം നിര്വ്വഹിക്കുന്നത്.