പോയ വര്ഷം പുറത്തിറങ്ങിയ സിനിമകളില് പ്രേക്ഷകര് ഇരുകെെയ്യും നീട്ടി സ്വീകരിച്ച സിനിമകളിലൊന്നായിരുന്നു തമാശ. വിനയ് ഫോര്ട്ടായിരുന്നു ചിത്രത്തിലെ നായകന്. ജൂണ് അഞ്ചിനായിരുന്നു ചിത്രം തീയേറ്ററുകളിലെത്തിയത്. തമാശയ്ക്ക് ഒരു വയസ് തികയുമ്പോള് ചിത്രത്തിലെ നായകനായ വിനയ് ഫോര്ട്ടിന് മനോഹരമായൊരു സമ്മാനവുമായി എത്തിയിരിക്കുകയാണ് ആരാധകന്.
Also Read: ജില്ലയുടെ പേരിൽ വിദ്വേഷം പരത്തുന്നവരോട് ലജ്ജ തോന്നുന്നു; രൂക്ഷ പ്രതികരണവുമായി പാര്വതിയും റിമയും
കസ്റ്റമെെഡ്സ് ജാക്കറ്റാണ് വിനയ്ക്ക് സമ്മാനമായി ലഭിച്ചത്. തമാശയില് നിന്നുമുള്ള വിനയ് ഫോര്ട്ടിന്റെ ചിത്രമാണ് ജാക്കറ്റില് പതിപ്പിച്ചിരിക്കുന്നത്. ജാക്കറ്റിന്റെ ഫോട്ടോ വിനയ് ഫോര്ട്ട് തന്നെയാണ് സോഷ്യല് മീഡിയയിലൂടെ ആരാധകരുമായി പങ്കുവച്ചത്. ജാക്കറ്റിന് ആരാധകരും കെെയ്യടിച്ചു.
Also Read: 'ഞാനിത് പറയാന് കാട്ടില് പോയി ഏറുമാടം കെട്ടി താമസിക്കണോ?'; വിമര്ശനത്തിന് മറുപടിയുമായി നീരജ്
കഴിഞ്ഞ വര്ഷം പുറത്തിറങ്ങിയ ചിത്രം സംവിധാനം ചെയ്തത് നവാഗതനായ അഷ്റഫ് ഹംസയായിരുന്നു. ചിന്നു ചാന്ദിനി, ഗ്രേസ് ആന്റണി, ദിവ്യ പ്രഭ എന്നിവരായിരുന്നു ചിത്രത്തിലെ നായികമാര്. താരങ്ങളുടെ പ്രകടനം കൊണ്ടും കെെകാര്യം ചെയ്ത വിഷയം കൊണ്ടും തമാശ കെെയ്യടി നേടിയിരുന്നു. സമീര് താഹിറായിരുന്നു ചിത്രത്തിന്റെ ഛായാഗ്രഹണം. റെക്സ് വിജയനും ഷഹബാസ് അമനും ചേര്ന്നാണ് സംഗീതം ഒരുക്കിയത്.