ആനന്ദകല്ല്യാണം
സീബ്ര മീഡിയയുടെ ബാനറില്‍ പി സി സുധീര്‍ രചനയും സംവിധാനവും നിര്‍വ്വഹിക്കുന്നതാണ് ചിത്രം. അഷ്കര്‍ സൗദാനും പുതുമുഖ നടി അര്‍ച്ചനയും കേന്ദ്രകഥാപാത്രമാകുന്ന സിനിമയിൽ ഗായകന്‍ കെ. എസ് ഹരിശങ്കറിന്‍റെ ഗാനങ്ങളുമുണ്ട്. രാജേഷ്ബാബു കെ സംഗീതവും , നിഷാന്ത് കോടമന ഗാനരചനയും നിര്‍വ്വഹിച്ചിരിക്കുന്നതാണ് ചിത്രത്തിലെ ഗാനങ്ങള്‍.
സന മലയാളത്തിൽ
ബോളിവുഡിൽ നിരവധി ഹിറ്റ് ഗാനങ്ങൾ ആലപിച്ചിട്ടുള്ള സന മൊയ്തൂട്ടിക്ക് പുറമെ പ്രമുഖ ഗായകരായ എം ജി ശ്രീകുമാര്‍, ജ്യോത്സ്ന, നജീബ് അര്‍ഷാദ്, സുനില്‍കുമാര്‍ കോഴിക്കോട്, ശ്രീകാന്ത് കൃഷ്ണ എന്നിവരും ആനന്ദകല്ല്യാണത്തില്‍ ഗാനങ്ങള്‍ ആലപിക്കുന്നുണ്ട്. ഫാമിലി എന്‍ര്‍ടെയ്നറായൊരുങ്ങുന്ന ആനന്ദകല്ല്യാണം പ്രണയത്തിനും സംഗീതത്തിനും ഏറെ പ്രാധാന്യമുള്ള ചിത്രമാണെന്ന് സംവിധായകന്‍ പി സി സുധീര്‍ബാബു പറഞ്ഞു.
Also Read: എസ്ജി 250 ല്‍ സുരേഷ് ഗോപി പാലാക്കാരന്‍, നായികയായി ബോളിവുഡ് താരമോ? സംവിധായകന്‍ മനസ് തുറക്കുന്നു
നായകനായി അഷ്കർ
ആക്ഷനും കോമഡിയും സമാമസം ചേരുന്ന ചിത്രം കൂടിയാണ്. സിനിമയുടെ ചിത്രീകരണം പൂര്‍ത്തിയായി വരികയാണെന്നും സംവിധായകൻ വ്യക്തമാക്കിയിരിക്കുകയാണ്. മിത്രം, കൊലമാസ്, വള്ളിക്കെട്ട്, മേരേ പ്യാരേ ദേശ് വാസിയോം, മൂന്നാംപ്രളയം, എന്നോട് പറ ഐ ലവ് യൂ എന്നീ സിനിമകൾക്ക് ശേഷം അഷ്കർ നായകനാകുന്ന ചിത്രമാണിത്.
സിനിമയുടെ അണിയറയിൽ
അഷ്കര്‍ സൗദാന്‍, അര്‍ച്ചന, ബിജുക്കുട്ടന്‍, സുനില്‍ സുഗത, പ്രദീപ് കോട്ടയം, ശിവജി ഗുരുവായൂര്‍ , നീനാ കുറുപ്പ്, കുളപ്പുള്ളി ലീല തുടങ്ങിയവരാണ് ചിത്രത്തിലെ മറ്റ് അഭിനേതാക്കള്‍. സീബ്ര മീഡിയയുടെ ബാനറിൽ ഒരുങ്ങുന്ന സിനിമയുടെ നിര്‍മ്മാണം മുജീബ് റഹ്മാന്‍, രചന,സംവിധാനം പി. സി സുധീര്‍, ഛായാഗ്രഹണം ഉണ്ണി കെ മേനോന്‍, ഗാനരചന നിഷാന്ത് കോടമന, സംഗീതം രാജേഷ്ബാബു കെ, പ്രൊഡക്ഷന്‍ കണ്‍ട്രോളര്‍ ലെനിന്‍ അനിരുദ്ധന്‍, എഡിറ്റിങ് അമൃത്, ആര്‍ട്ട് ഡയറക്ടര്‍ അബ്ബാസ് മൊയ്ദീന്‍, കോസ്റ്റ്യും രാജേഷ്, മേക്കപ്പ് പുനലൂര്‍ രവി, ആക്ഷന്‍ ഡയറക്ടര്‍ ബ്രൂസ്ലി രാജേഷ്, പി ആര്‍ ഒ പി ആര്‍ സുമേരന്‍ ,അസോ. ഡയറക്ടേഴ്സ് അനീഷ് തങ്കച്ചന്‍, നിഖില്‍ മാധവ്, പ്രൊഡക്ഷന്‍ ഡിസൈനര്‍ ശ്രീലേഖ കെ.എസ്, പ്രൊഡക്ഷന്‍ മാനേജേഴ്സ് അബീബ് നീലഗിരി , മുസ്തഫ അയ്ലക്കാട്, പബ്ലിസിറ്റി ഡിസൈന്‍സ് - മനോജ് ഡിസൈന്‍ തുടങ്ങിയവരാണ്.
Also Read: റേഷനരി കൂട്ടി ചോറുണ്ടു! സർക്കാരിന് ബിഗ് സല്യൂട്ടടിച്ച് രഞ്ജിത്ത് ശങ്കർ