റൊമാന്‍റിക്ക് കോമഡി
118 മിനിറ്റ് ദൈര്‍ഘ്യമായിരുന്നു ചിത്രത്തിന്. റൊമാന്‍റിക്ക് കോമഡി ഗണത്തിലായിരുന്നു സിനിമ ഇറങ്ങിയത്. ലാലും ശ്വേത മേനോനും ആസിഫ് അലിയും മൈഥിലിയും തമ്മിലുളള പ്രണയവും ഏറെ വ്യത്യസ്തമായിട്ടായിരുന്നു സിനിമയിൽ അവതരിപ്പിച്ചിരുന്നത്. ആസിഫ് അലിയുടെ കഥാപാത്രമായ മനു രാഘവിന്‍റെ 'ആറ്റിങ്ങലാണോ വീട് ?' എന്ന ചോദ്യം അക്കാലത്ത് വലിയ ഹിറ്റായിരുന്നു.
പുതുമുകളുമായെത്തിയ ചിത്രം
ബാബുരാജ്, അഹമ്മദ് സിദ്ദിഖ്, വിജയരാഘവൻ, കൽപ്പന, ദിലീഷ് പോത്തൻ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായെത്തിയിരുന്നു. വില്ലൻ വേഷങ്ങളിൽ നിന്ന് മാറി ബാബുരാജ്, കുക്ക് ബാബു എന്ന രസികൻ കഥപാത്രമായി ചിത്രത്തിൽ ഏറെ വിസ്മയിപ്പിച്ചിരുന്നു. ബിജിബാലും അവിയല്‍ ബാന്‍ഡും ഒരുക്കിയ പാട്ടുകളും ഏറെ ഹിറ്റായിരുന്നു.
Also Read: പ്രഭാസിന്റെ ഇരുപതാം ചിത്രം; ജൂലൈ പത്തിന് ഫസ്റ്റ് ലുക്ക് എത്തും! ആരാധകർ കാത്തിരിപ്പിൽ!
ശ്യം, ദിലീഷ്, ആഷിഖ് കോമ്പോ
ശ്യാം പുഷ്‌കരനും ദിലീഷ് നായരും ചേര്‍ന്നായിരുന്നു സിനിമയ്ക്ക് തിരക്കഥയൊരുക്കിയിരുന്നത്. ഷൈജു ഖാലിദ് ആയിരുന്നു ഛായാഗ്രഹണം, വി സാജന്‍ എഡിറ്റിങ് നിര്‍വ്വഹിച്ച ചിത്രം സദാനന്ദന്‍ രംഗരോത്ത് ആയിരുന്നു നിര്‍മ്മിച്ചിരുന്നത്.
രണ്ടാം ഭാഗമായി 'ബ്ലാക്ക് കോഫി'
ചിത്രത്തിന്‍റെ രണ്ടാം ഭാഗമായി ബ്ലാക്ക് കോഫി എന്നൊരു സിനിമയും ഈ വര്‍ഷം ഒരുങ്ങുന്നുണ്ടെന്നാണ് റിപ്പോര്‍ട്ട്. ആദ്യ സിനിമയിലുണ്ടായിരുന്നവർക്ക് പുറമെ ഓവിയ, രചന നാരായണൻകുട്ടി, ലെന തുടങ്ങിയവരും രണ്ടാം ഭാഗത്തിലുണ്ടെന്നാണ് പുറത്തിറങ്ങിയിട്ടുള്ള ഫസ്റ്റ് ലുക്ക് പോസ്റ്റർ തരുന്ന സൂചന.
Also Read: ഫഹദും റോഷനും ദർശനയും ഒരുമിക്കുന്ന ചിത്രം; 'സീ യൂ സൂൺ'