ആസിഫും മഡോണയും ഒന്നിക്കുന്ന 'ഇബ്‍‍ലീസ്'; ഫസ്റ്റ് ലുക്ക്

'പ്രേമ'ത്തിലൂടെ മലയാളികൾ നെഞ്ചിലേറ്റിയ മഡോണ സെബാസ്റ്റ്യൻ മലയാളത്തിലേക്ക് തിരിച്ചു വരുന്നു. ആസിഫ് അലി നായകനാകുന്ന ഇബ്‍‍ലീസ് എന്ന ചിത്രത്തിലാണ് മഡോണ നായികയാകുന്നത്. ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ചിത്രത്തില്‍ ലാലും ഒരു പ്രധാന വേഷത്തില്‍ എത്തുന്നുണ്ട്.


രോഹിത് വിഎസ് ആണ് ചിത്രം സംവിധാനം ചെയ്യുന്നത്. പ്രക്ഷകരുടെയും നിരൂപകരുടേയുമടക്കം മികച്ച അഭിപ്രായം സ്വന്തമാക്കിയ അഡ്വഞ്ചേര്‍സ് ഓമനക്കുട്ടന്‍ എന്ന ചിത്രത്തിനു ശേഷം രോഹിത് വിഎസ് ഒരുക്കുന്ന ചിത്രം കൂടിയാണ് ഇബ്‍‍ലീസ്. ഫാന്‍റസി സ്വഭാവത്തിലാണ് ചിത്രം ഒരുക്കിയിരിക്കുന്നത്. ചിത്രീകരണം പൂ‍ര്‍ത്തിയായി. ഉടന്‍ തീയേറ്ററുകളിൽ എത്തുമെന്നാണ് അണിയറപ്രവര്‍ത്തകര്‍ അറിയിക്കുന്നത്. ഇച്ചൈസ് പ്രൊഡക്ഷന്‍സിന്‍റെ ബാനറിലാണ് ചിത്രം നിര്‍മ്മിക്കുന്നത്.