ആസിഫിൻ്റെ 'കക്ഷി അമ്മിണി പിള്ള'; ചിത്രീകരണം തുടങ്ങി

ആസിഫ് അലിയെ നായകനാക്കി ദിന്‍ജിത്ത് അയ്യത്താന്‍ സംവിധാനം ചെയുന്ന 'കക്ഷി അമ്മിണി പിള്ള'യുടെ ചിത്രീകരണം ആരംഭിച്ചു. ചിത്രത്തിൽ വക്കീലായാണ് ആസിഫ് എത്തുന്നത്. സനിലേഷ് ശിവനാണ് ചിത്രത്തിന് തിരക്കഥ രചന നിര്‍വ്വഹിച്ചിരിക്കുന്നത്. ആസിഫ് അലിയാണ് ഷൂട്ടിങ് ആരംഭിച്ച വിവരം സോഷ്യല്‍ മീഡിയയിലൂടെ അറിയിച്ചത്. സാറ ഫിലിംസിൻ്റെ ബാനറില്‍ റിജു രാജനാണ് ചിത്രം നിര്‍മ്മിക്കുന്നത്.

മാമൂക്കോയ, ഹരീഷ് കണാരന്‍, ബേസില്‍ ജോസഫ്, വിജയരാഘവന്‍, നിര്‍മല്‍ പാലാഴി, സുധീഷ്, ശ്രീകാന്ത് മുരളി, ലുക്മാന്‍, അഹമ്മദ് സിദ്ദിഖി, ബാബു സ്വാമി, ഉണ്ണിരാജ, സുധി പറവൂര്‍, ശിവദാസന്‍, അശ്വതി മനോഹര്‍, ഷിബില, സരസ ബാലുശേരി എന്നിവരാണ് ചിത്രത്തിലെ പ്രധാനതാരങ്ങള്‍.