അസ്‌കര്‍ അലി നായകനായെത്തുന്ന 'ജീം ഭൂം ബാ'; ഫസ്റ്റ് ലുക്ക് പോസ്റ്റര്‍

അസ്‌കര്‍ അലിയെ നായകനാക്കി നവാഗതനായ രാഹുല്‍ രാമചന്ദ്രന്‍ ഒരുക്കുന്ന പുതിയ ചിത്രം 'ജീം ഭൂം ബാ' യുടെ ഫസ്റ്റ്‍‍ലുക്ക് പോസ്റ്റര്‍ പുറത്തു വിട്ടു. കോമഡി ത്രില്ലറായാണ് 'ജീം ഭൂം ബാ' ഒരുക്കുന്നത്. നടൻ സണ്ണി വെയ്ൻ തൻ്റെ ഫേസ്‍‍ബുക്ക് പോസ്റ്റിലൂടെയാണ് പോസ്റ്റര്‍ പുറത്തുവിട്ടത്. ചിത്രത്തിൻ്റെ അണിയറ പ്രവർത്തകർക്കൊപ്പം അസ്ക്കർ അലി ഫേസ്ബുക്ക് ലൈവിൽ വന്ന് ചിത്രത്തിൻ്റെ വിശദാംശങ്ങളും പങ്കുവെച്ചു.


ബൈജു സന്തോഷ് , അനീഷ് ഗോപാല്‍ , അഞ്ജുകുര്യന്‍ , നേഹാ സക്‌സേന , കണ്ണന്‍ നായര്‍, ലിമു ശങ്കര്‍ എന്നിവരും ചിത്രത്തിലുണ്ട്. മിസ്റ്റിക് ഫ്രയിംസിൻ്റെ ബാനറില്‍ സച്ചിന്‍ വി.ജിയാണ് ജീം ബൂം ബാ നിര്‍മ്മിച്ചിരിക്കുന്നത്. 9ന് ഷൂട്ടിങ് ആരംഭിക്കും.