'പുതിയ തീരങ്ങൾ' എന്ന നിവിൻ പോളി ചിത്രത്തിലൂടെ മലയാള സിനിമയിലും മിനിസ്ക്രീനിലും ഒരുപോലെ ശ്രദ്ധേയയായ നടി മോളി കണ്ണമ്മാലിയുടെ ദുരിത ജീവിത കഥ വിവിധ ഓൺലൈൻ മാധ്യമങ്ങളിലൂടെ പുറംലോകത്ത് എത്തിയിരുന്നു. കഴിഞ്ഞ വര്ഷം കേരളക്കരയിൽ ഉണ്ടായ പ്രളയത്തിൽ നടിയുടെ വീട് തകർന്നടിഞ്ഞിരുന്നു. ഒറ്റ മുറിയുള്ള ഒരു ഷെഡ്ഡിലാണ് മോളി കണ്ണമ്മാലി ഇപ്പോൾ താമസിക്കുന്നത്. മഴക്കാലം വന്നതോടെ ഉള്ളിൽ നെരിപ്പോടുമായാണ് നടി ജീവിക്കുന്നത്. സിനിമയിൽ നിന്നും കിട്ടുന്ന വളരെ തുച്ഛമായ വേതനം മാത്രമാണ് നിലവിലെ വരുമാനം. കുറച്ചുകാലം ഹൃദ്രോഗത്തിന് ചികിത്സിച്ചിരുന്നു. ആ വഴിയിലൂടെയും കുറച്ചധികം തുക ചെലവായി. നടിയ്ക്ക് ഇപ്പോൾ പുതിയൊരു വീട് പണിയാനുള്ള സാമ്പത്തികസ്ഥിതിയുമില്ല. നിരവധി സിനിമാതാരങ്ങൾ സഹായ വാഗ്ദാനങ്ങളുമായി രംഗത്തെത്തിയിരുന്നു. എന്നാൽ ഇതുവരെയും ഒരു സഹായവും ലഭിച്ചിട്ടില്ലെന്ന് മോളി കണ്ണമ്മാലി വ്യക്തമാക്കുന്നു.
താരസംഘടനയായ എഎംഎംഎ മോളി കണ്ണമ്മാലിയെ സഹായിക്കാനൊരുങ്ങുന്നുവെന്ന റിപ്പോര്ട്ടുകൾ കഴിഞ്ഞദിവസമാണ് സോഷ്യൽ മീഡിയയിൽ പ്രത്യക്ഷപ്പെട്ടത്. എന്നാൽ ഈ വാര്ത്ത താരസംഘടനയുടെ അംഗങ്ങൾ ഔദ്യോഗികമയി സ്ഥിരീകരിച്ചിട്ടില്ല. മോളി കണ്ണമ്മാലിയുടെ നിലവിലെ അവസ്ഥ മനസിലാക്കിയ താരസംഘടന നടിയ്ക്ക് പുതിയ വീട് നിര്മ്മിച്ചുനൽകാനൊരുങ്ങുകയാണ് എന്നാണ് വിവരം. അമ്മയുടെ പ്രസിഡൻ്റ് മോഹൻലാൽ ഈ വിഷയത്തിൽ നേരിട്ട് ഇടപെട്ടെന്നും റിപ്പോര്ട്ടുകളുണ്ട്.
താരസംഘടനയായ എഎംഎംഎ മോളി കണ്ണമ്മാലിയെ സഹായിക്കാനൊരുങ്ങുന്നുവെന്ന റിപ്പോര്ട്ടുകൾ കഴിഞ്ഞദിവസമാണ് സോഷ്യൽ മീഡിയയിൽ പ്രത്യക്ഷപ്പെട്ടത്. എന്നാൽ ഈ വാര്ത്ത താരസംഘടനയുടെ അംഗങ്ങൾ ഔദ്യോഗികമയി സ്ഥിരീകരിച്ചിട്ടില്ല. മോളി കണ്ണമ്മാലിയുടെ നിലവിലെ അവസ്ഥ മനസിലാക്കിയ താരസംഘടന നടിയ്ക്ക് പുതിയ വീട് നിര്മ്മിച്ചുനൽകാനൊരുങ്ങുകയാണ് എന്നാണ് വിവരം. അമ്മയുടെ പ്രസിഡൻ്റ് മോഹൻലാൽ ഈ വിഷയത്തിൽ നേരിട്ട് ഇടപെട്ടെന്നും റിപ്പോര്ട്ടുകളുണ്ട്.