വീണ്ടുമൊരു ട്വൻ്റി 20 മോഡൽ ഒരുക്കാൻ 'അമ്മ'; റിലീസ് 2021ൽ!

മലയാളത്തിൽ ഏറെ ശ്രദ്ധ നേടിയ ചിത്രങ്ങളിൽ ഒന്നാണ് ട്വൻ്റി 20. മലയാളത്തിലെ മുൻനിരത്താരങ്ങളെല്ലാം അണിനിരന്ന ചിത്രം പ്രേക്ഷകർ ഇരുകൈയ്യും നീട്ടിയാണ് സ്വീകരിച്ചത്. ഇപ്പോഴിതാ ഇതേ മോഡലിൽ നിരവധി സൂപ്പർ താരങ്ങളെ അണിനിരത്തി ഒരു മൾട്ടി സ്റ്റാർ ചിത്രം ഒരുക്കാൻ ഒരുങ്ങുകയാണ് താരസംഘടനയായ അമ്മ. കൊവിഡ് പശ്ചാത്തലത്തിൽ സിനിമകളുടെ എണ്ണം കുറഞ്ഞിരിക്കുന്നതിനാൽ അമ്മ സംഘടനയിലെ പല അംഗങ്ങളും സാമ്പത്തികമായി പ്രതിസന്ധിയിലാണ്.

Also Read: നിങ്ങളുടെ വീട്ടിലും പെണ്ണുങ്ങളില്ലേ! 'ഇരണ്ടാം കുത്ത്' ടീസറിനെതിരെ ഭാരതിരാജ

കൊവിഡ് സൃഷ്ടിച്ച പ്രതിസന്ധിയിൽ ജീവിതം വഴിമുട്ടിയ അമ്മ അംഗങ്ങള്‍ക്ക് ഈ സിനിമയിലൂടെ കിട്ടുന്ന പണം കൈമാറാനാണ് തീരുമാനം. മലയാളത്തിലെ അത്യപൂർവ്വമായ മൾട്ടി സ്റ്റാർ ചിത്രം തീയേറ്ററുകളിലെത്തിയത് 12 വര്‍ഷം മുൻപായിരുന്നു. മോഹൻലാലും മമ്മൂട്ടിയും സുരേഷ് ഗോപിയും ദിലീപും ജയറാമും ഭാവനയും കാവ്യ മാധവനും രാധികയുമൊക്കെ അണിനിരന്ന ചിത്രം ആരാധകർ ഇരുകൈയ്യും നീട്ടിയാണ് നെഞ്ചേറ്റിയത്.

അന്ന് അമ്മ സംഘടനയിലെ അംഗങ്ങള്‍ക്ക് പെൻഷൻ തുക കണ്ടെത്താനായാരുന്നു ഈ സിനിമ നിർമ്മിച്ചത്. അതിനു സമാനമായ ലക്ഷ്യത്തോടെ അമ്മ സംഘടന വീണ്ടും രംഗത്തിറങ്ങുകയാണ്. ചിത്രത്തിനായി ഇന്നത്തെ സൂപ്പർ താരങ്ങളെല്ലാം അണിനിരക്കും. 2021 ലാണ് ചിത്രം പുറത്തിറക്കുക. അതേസമയം ചിത്രം അതിൻ്റെ പരിപൂർണ്ണമായ ചർച്ചകളിലേക്ക് എത്തിയിട്ടില്ല.

Also Read: ഗര്‍ഭിണിയാണോ എന്ന് ആരാധകര്‍; എന്റെ ഗര്‍ഭം ഇങ്ങനല്ലെന്ന് നവ്യ!

കൊവിഡ് പശ്ചാത്തലത്തിലാണ് ചിത്രത്തിൻ്റെ ചർച്ചകൾക്ക് താമസമുണ്ടാകുന്നതെന്നാണ് റിപ്പോർട്ടുകൾ. ടി.കെ. രാജീവ്കുമാറാണ് ചിത്രം സംവിധാനം ചെയ്യുക എന്ന് റിപ്പോർട്ടുകൾ സൂചിപ്പിക്കുന്നു. ഉടൻ തന്നെ ചിത്രത്തിൻ്റെ ഗ്രാൻ്റ് അനൌൺസ്മെൻ്റ് നടക്കുമെന്നും റിപ്പോർട്ടുകൾ സൂചിപ്പിക്കുന്നു.