മലയാളത്തിൽ വില്ലനാകാൻ 'കാലകേയൻ'

ബാഹുബലിയിലെ 'കാലകേയൻ' പ്രഭാകർ മലയാളത്തിൽ അരങ്ങേറ്റത്തിനൊരുങ്ങുന്നു. ബി ഉണ്ണികൃഷ്ണൻ സംവിധാനം ചെയുന്ന ചിത്രത്തിലൂടെയാകും പ്രഭാകറിന്‍റെ മലയാളത്തിലേക്കുള്ള വരവ്.

പ്രിഥ്വിരാജും മോഹൻലാലും പ്രധാന കഥാപാത്രങ്ങളാകുന്ന ചിത്രത്തിൽ വില്ലനായാണ് താരം വേഷമിടുക. ചിത്രത്തിന്‍റെ മറ്റു വിവരങ്ങൾ അണിയറ പ്രവർത്തകർ പുറത്തു വിട്ടിട്ടില്ല. എസ്.എസ് രാജമൗലി സംവിധാനം ചെയ്ത സൂപ്പർ ഹിറ്റ് ചിത്രമായ ബാഹുബലിയിൽ പ്രഭാകർ അവതരിപ്പിച്ച കാലകേയൻ എന്ന കഥാപാത്രം ഏറെ പ്രേക്ഷക പ്രശംസ പിടിച്ചു പറ്റിയിരുന്നു.