ഹിറ്റ് മേക്കർ രാജമൗലിയുടെ ആര്‍.ആര്‍.ആര്‍ ചിത്രീകരണം തുടങ്ങി

ബാഹുബലി സംവിധായകൻ രാജമൗലി സംവിധാനം ചെയ്യുന്ന പുതിയ ചിത്രത്തിൻ്റെ ഷൂട്ടിംഗ് തുടങ്ങി. ആര്‍.ആര്‍.ആര്‍ എന്ന പേരോടെ ചിത്രം പ്രഖ്യാപിച്ചിരുന്നെങ്കിലും അതു തന്നെയാണ് ടൈറ്റിലെന്ന് വ്യക്തമാക്കിയിട്ടില്ല. ചിത്രത്തിൻ്റെ തിരക്കഥ വി. വിജയേന്ദ്രപ്രസാദാണ്.

ജൂനിയര്‍ എന്‍.ടി.ആര്‍, റാം ചരണ്‍ എന്നിവര്‍ ഒന്നിക്കുന്ന ബിഗ് ബജറ്റ് ചിത്രം നിർമ്മിക്കുന്നത് ഡി വി വി ധനയ്യയാണ്. കെ. രാഘവേന്ദ്ര, പ്രഭാസ്, റാണ ദഗ്ഗുബാട്ടി എന്നിവര്‍ പൂജ ചടങ്ങില്‍ പങ്കെടുത്തു. ചിത്രത്തെക്കുറിച്ചുള്ള കൂടുതല്‍ വിവരങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടില്ല. ബാഹുബലിയുടെവിജയത്തിനു ശേഷം അടുത്ത രാജമൗലി ചിത്രത്തിനായി അങ്ങേയറ്റം ആകാംക്ഷയോടെയാണ് ആരാധകര്‍ കാത്തിരിക്കുന്നത്.