ബാഹുബലി ജാഡയില്ലാത്ത കണ്ണൂരിലെ കണ്ണവം കാട്

ബാഹുബലി തരംഗത്തിൽ ഉലയുകയാണ് ഇന്ത്യൻ സിനിമ ലോകം. ബാഹുബലിയിൽ നമ്മുടെ കണ്ണൂരിൻെറ സൗന്ദര്യവും മിന്നിമറയുന്നത് അഭിമാനിക്കാവുന്ന കാര്യമാണ്. കണ്ണൂരിലെ കണ്ണവം കാടും ബാഹുബലിയുടെ ഭാഗമായിട്ടുണ്ട്. ബാഹുബലിയുടെ രണ്ടാം ഭാഗം കണ്ണൂരിന്റെ വിവിധ പ്രദേശങ്ങളിൽ ചിത്രികരിച്ചിരുന്നു. കണ്ണൂർ ജില്ലയിലെ തലശ്ശേരി-ബാവലി റൂട്ടിലാണ് കണ്ണവം കാട്. കാടിനെ പ്രണയിക്കുന്നവർക്ക് കണ്ണവം കാടിൻെറ വന്യതയിലേക്ക് ഉൗളിയിട്ടിറങ്ങാം.

മമ്മൂട്ടി നായകനായ പഴശ്ശിരാജയുടെ പ്രധാന രംഗങ്ങള്‍ ചിത്രീകരിച്ചത് കണ്ണവം വനത്തിലാണ്.ചെറു വാഞ്ചേരിയിൽ നിന്ന് തലശ്ശേരി-പേരിയ പാതയിലേക്കുള്ള ചെറുറോഡിൽ പ്രവേശിച്ചാൽ നാടും കാടും ഇണചേരുന്നത് കാണാം. ശാന്തമായൊഴുകുന്ന പെരുവപ്പുഴ, ചെറു വെള്ളച്ചാട്ടങ്ങൾ എന്നിവ മനോഹാരിത കൂട്ടുന്നു. നടന്‍ പ്രഭാസ്, നടി അനുഷ്‌ക തുടങ്ങി 100 ഓളം പേര്‍ ഉള്‍പ്പെട്ട സംഘമാണ് ഷൂട്ടിങ്ങിനായി കണ്ണവം വനത്തിലെത്തിയത്. കേരളത്തിലെ ലൊക്കേഷനുകള്‍ സിനിമാ സങ്കല്‍പ്പങ്ങള്‍ക്കു മനോഹരവും ഇന്ത്യന്‍ സിനിമയ്ക്കു മുതല്‍ക്കൂട്ടാണെന്നും സംവിധായകന്‍ രാജമൗലി പറഞ്ഞു. അരവിന്ദന്‍ കണ്ണൂരാണു ബാഹുബലി ടീമിനു കണ്ണൂരിന്റെ ലൊക്കേഷനുകളെ പരിചയപ്പെടുത്തിയത്.


bahubali location kannavam kannur