'ബഷീറിന്‍റെ പ്രേമലേഖന'ത്തിന്‍റെ ട്രെയിലറെത്തി

ഞാന്‍ സ്റ്റീവ് ലോപ്പസിനു ശേഷം ഫര്‍ഹാന്‍ ഫാസില്‍ നായകനാകുന്ന പുതിയ ചിത്രമായ ബഷീറിന്‍റെ പ്രേമലേഖനത്തിന്‍റെ ട്രെയിലര്‍ പുറത്തിറങ്ങി. പഴയകാല ലുക്കിലാണ് ഫര്‍ഹാന്‍ സ്ക്രീനിലെത്തുന്നത്. അനീഷ് അന്‍വറാണ് ചിത്രം സംവിധാനം ചെയ്യുന്നത്. സക്കറിയായുടെ ഗര്‍ഭിണികള്‍, കുമ്പസാരം എന്നിവയായിരുന്നു അനീഷിന്‍റെ മുൻ ചിത്രങ്ങൾ.



സന അല്‍ത്താഫാണ് നായിക. കമ്മട്ടിപ്പാടം ഫെയിം മണികണ്ഠനും ഗായിക കൂടിയായ രഞ്ജിനി ജോസ് എന്നിവര്‍ പ്രണയജോഡികളായി എത്തുന്നു എന്ന പ്രത്യേകതയും ചിത്രത്തിനുണ്ട്. 1980 കാലഘട്ടത്തിലെ ഒരു പ്രണയകഥയാണ് ചിത്രം പറയുന്നത്. പഴയകാല പ്രണയജോഡികളിൽ ഒന്നായ മധു-ഷീല ജോഡികള്‍ വീണ്ടും ഒന്നിക്കുന്നെന്ന പ്രത്യേകതയുമായാണ് ചിത്രം എത്തുന്നത്.

രണ്‍ജി പണിക്കര്‍, നെടുമുടി വേണു, കെപിഎസി ലളിത, ശിവജി ഗുരുവായൂര്‍, കണാരന്‍ ഹരീഷ്, അജു വര്‍ഗീസ്, ദിലീഷ് പോത്തന്‍, സുനില്‍ സുഖദ, ഷാനവാസ്, ആശാ അരവിന്ദ്, ശ്രീജിത്ത് രവി എന്നിവരാണ് ചിത്രത്തിലെ മറ്റു താരങ്ങൾ.

Basheerinte Premalekhanam Official Trailer is out

Farhaan Faasil's upcoming movie Basheerinte Premalekhanam Official Trailer is out