സിനിമയിൽ നല്ല വേഷങ്ങൾ ലഭിച്ചില്ല; നടി സുബര്‍ണ ആത്മഹത്യ ചെയ്തു

ബംഗാളി സീരിയൽ നടി സുബര്‍ണ ജഷ് ആത്മഹത്യ ചെയ്തു. 23 വയസ്സായിരുന്നു, ബര്‍ദ്വാനിലെ സ്വവസതിയില്‍ ഞായറാഴ്ച്ച രാത്രിയാണ് ഇവർ ആത്മഹത്യ ചെയ്തത്. കഴിഞ്ഞ ദിവസം വീട്ടുകാരാണ് മുറിയിലെ ഫാനിൽ കെട്ടിതൂങ്ങിയ നിലയിൽ സുബർണയുടെ മൃതദേഹം കണ്ടെത്തിയത്. ഇവര്‍ വിഷാദരോഗിയായിരുന്നുവെന്നാണ് ദേശീയ മാധ്യങ്ങൾ റിപ്പോര്‍ട്ട് ചെയ്തിരിക്കുന്നത്.

Also Read: 'ട്രാൻസി'നെ വെട്ടാതെ ദേശീയ സെൻസർ ബോർഡ്; ചിത്രം 20ന് തീയേറ്ററുകളിൽ

ബര്‍ദ്വാന്‍ സ്വദേശിയായ നടി പഠനത്തിനും സിനിമയിൽ കയറിപറ്റുന്നതിനുമായി കൊല്‍ക്കത്തയിലായിരുന്നു താമസിച്ചിരുന്നത്. ഏറെ നാളുകളായി സിനിമയില്‍ നല്ലൊരു വേഷം ലഭിക്കുന്നതിനായുള്ള കാത്തിരിപ്പിലായിരുന്നു. ഇതിനായി പഠനത്തിനിടയിലും അനേകം സിനിമകളുടെ ഓഡിഷനുകളില്‍ പങ്കെടുത്തിരുന്നു.

അതിനിടയിൽ ചെറിയ റോളുകളില്‍ ചില ടിവി സീരിയലുകളില്‍ അവസരം ലഭിക്കുകയുണ്ടായി. 'മയൂര്‍പംഘി' എന്ന സീരിയലില്‍ നായികയുടെ സുഹൃത്തായി അഭിനയിച്ചിട്ടുമുണ്ട്. എന്നാല്‍ നല്ല അവസരങ്ങള്‍ തനിക്ക് ലഭിക്കുന്നതിരുന്നതിനെ തുടര്‍ന്ന് കുറച്ചു നാളുകളായി വിഷാദരോഗത്തിലായ നടി അടുത്തിടെയാണ് വീട്ടിലേക്ക് മടങ്ങിയിരുന്നത്. അതിനുശേഷമാണ് ഇപ്പോള്‍ ആത്മഹത്യ ചെയ്തിരിക്കുന്നത്.

Also Read:'ഈ സിനിമയിലെ വേഷം ഞാൻ ചോദിച്ച് വാങ്ങിയതാണ്': ദുൽഖർ

അടുത്തിടെ ഹിന്ദി സീരിയല്‍ നടി സേജല്‍ ശര്‍മ്മയേയും ഇത്തരത്തിൽ മരിച്ച നിലയിൽ കണ്ടെത്തിയിരുന്നു. മുംബൈയിലെ മിര റോഡിലെ വീട്ടിലായിരുന്നു തൂങ്ങിമരിച്ച നിലയില്‍ സേജലിനെ കണ്ടെത്തിയിരുന്നത്. സേജലും വിഷാദരോഗത്തിന് അടിമയായിരുന്നതായാണ് റിപ്പോര്‍ട്ട്.