മലയാള സിനിമയിലെ ഇക്കൊല്ലത്തെ മികച്ച ഏഴ് വില്ലന്മാർ ദാ ഇവരാണ്; ഹീറോ ഷമ്മി തന്നെ മുന്നിൽ!

ഒരുപിടി മികച്ച സിനിമകൾ സമ്മാനിച്ചാണ് മലയാള സിനിമ ഇക്കൊല്ലത്തോട് വിട പറയാനൊരുങ്ങുന്നത്. യഥാര്‍ത്ഥ വില്ലനിസമുള്ളതും മറിച്ചുള്ള വില്ലൻമാരെയും ഇക്കൊല്ലം മലയാള സിനിമയ്ക്ക് ലഭിച്ചിട്ടുണ്ട്. അത്തരത്തിൽ നോക്കുമ്പോൾ ആരൊക്കെയാണ് ഇക്കൊല്ലം വെള്ളിത്തിരയിൽ വില്ലന്മാരായി തകര്‍ത്താടിയത് എന്നതിൻ്റെ ഒരു പട്ടിക തയ്യാറാക്കുകയാണ് ഇവിടെ. പട്ടികയിൽ മുൻപന്തിയിൽ നിൽക്കുന്ന ആറ് പ്രധാന വില്ലന്മാര്‍ ആരൊക്കെയാണ് എന്ന് അറിയണ്ടേ.

കുമ്പളങ്ങി നൈറ്റ്സ് എന്ന ചിത്രത്തിലൂടെ വിസ്മയിപ്പിക്കുന്ന പ്രകടനം കാഴ്ചവെച്ച ഫഹദ് ഫാസിലാണ് മുൻപന്തിയിൽ നിൽക്കുന്നത്. യഥാര്‍ത്ഥ വില്ലനിസം എന്ന് പറയത്തക്ക വിധമുള്ള വില്ലനല്ലായിരുന്നെങ്കിലും കുമ്പളങ്ങിയുടെ ഗ്രാഫ് മാറ്റി മറിച്ചതും ഏവരെയും ഞെട്ടിച്ചതുമായ പ്രകടനമായിരുന്നു ഷമ്മി എന്ന കഥാപാത്രമായി ഫഹദ് ഫാസിൽ നടത്തിയത്.

അനുരാജ് മനോഹർ സംവിധാനം ചെയ്ത് തീയേറ്ററുകളിലെത്തിയ ചിത്രം ഇഷ്കിൽ ഗംഭീര പ്രകടനം കാഴ്ചവെച്ചാണ് ഷൈൻ ടോം ചാക്കോ ഇക്കൊല്ലം വില്ലനായി തിളങ്ങിയത്. ചിത്രം കാണുന്ന പ്രേക്ഷകരിലെല്ലാം അത്രത്തോളം ഭീകരമായ വെറുപ്പും അസ്വസ്ഥതയുമുണ്ടാക്കാൻ ഷൈനിൻ്റെ പ്രകടനത്തിന് കഴിഞ്ഞിരുന്നു.

മനു അശോകൻ സംവിധാനം ചെയ്ത ചിത്രമായ ഉയരെയിൽ ആസിഫ് അലി പ്രകടമാക്കിയത് താരം ഇന്നേവരെ പുറത്തെടുത്തിട്ടില്ലാത്തത്ര വിധത്തിലുള്ള പ്രകടനമായിരുന്നു. ഒറു ചോക്ലേറ്റ് ഹീറോ ലുക്കിൽ നിന്നും പൊടുന്നനെ ഒരു നെഗറ്റീവ് വേഷം അഭിനയിച്ച് പ്രതിഫലിപ്പിക്കാനുള്ള പ്രതിഭ തന്നിലുണ്ടെന്ന് വ്യക്തമാക്കുന്നതായിരുന്നു താരത്തിൻ്റെ പ്രകടനം.

പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ലൂസിഫര്‍ ഇക്കൊല്ലത്തെ മലയാള സിനിമയുടെ അഭിമാനമാണ്. ആദ്യമായി മലയാള ചിത്രത്തിൽ അഭിനയിക്കുന്നു എന്ന വിശേഷണത്തോടെയാണ് ബോളിവുഡ് താരം ലൂസിഫറിൻ്റെ ഭാഗമായത്. ചിത്രത്തിൽ താരം അതിഗംഭീരമായ പ്രകടനമാണ് കാഴ്ചവെച്ചിരിക്കുന്നതെന്നാണ് പ്രേക്ഷരുടെ അഭിപ്രായം

നിവിൻ പോളി ഒരിടവേളയ്ക്ക് ശേഷം തിരിച്ചെത്തിയ ചിത്രമായിരുന്നു മിഖായേൽ. ചിത്രം തീയേറ്ററുകളിൽ വേണ്ടത്ര തിളങ്ങിയില്ലെങ്കിലും ചിത്രത്തിലെ ഉണ്ണി മുകുന്ദൻ്റെ പ്രകടനം ഏറെ വാഴ്ത്തപ്പെട്ടിരുന്നു. വില്ലൻ മാർക്കോ എന്ന കഥാപാത്രമായാണ് താരം ചിത്രത്തിൽ പ്രത്യക്ഷപ്പെട്ടത്. ഗ്രേറ്റ് ഫാദറിന് ശേഷം ഹനീഫ് അദേനി സംവിധാനം ചെയ്ത ചിത്രം കൂടിയായിരുന്നു ഇത്.

മിഖായേൽ എന്ന ചിത്രത്തിലെ വില്ലന്മാരെ പരിഗണിക്കുകയാണെങ്കിൽ സിദ്ദിഖിനെ കണ്ടില്ലെന്ന് വെക്കാനാവില്ല. ചിത്രത്തിൽ സിദ്ദിഖ് കാഴ്ചവെച്ച പ്രകടനവും ഏറെ മികച്ചതായിരുന്നുവെന്ന് പ്രേക്ഷകര്‍ സാക്ഷ്യപ്പെടുത്തുന്നു

മമ്മൂട്ടിയെ നായകനാക്കി വൈശാഖ് സംവിധാനം ചെയ്ത മധുരരാജയിൽ ജഗപതി ബാബു എന്ന മലയാളത്തിൻ്റെ സ്വന്തെ തെലുങ്കു നടൻ കാഴ്ചവെച്ച പ്രകടനവും പ്രേക്ഷകരെ ഏറെ വിസ്മയിപ്പിക്കുന്നതായിരുന്നു.