ചിരിയല തീർക്കാൻ ‘തിരിമാലി’ എത്തുന്നു; ആദ്യ ഷെഡ്യൂൾ നേപ്പാളിൽ

ബിബിൻ ജോർജ്, ധർമജൻ ബോൾഗാട്ടി, ജോണി ആന്‍റണി, അന്ന രേഷ്മ രാജൻ(ലിച്ചി) എന്നിവരെ പ്രധാനകഥാപാത്രങ്ങളാക്കി നവാഗതനായ രാജീവ് ഷെട്ടി സംവിധാനം ചെയ്യുന്ന ചിത്രത്തിന്‍റെ ടൈറ്റിൽ പുറത്തിറക്കി. തിരിമാലി എന്നാണ് സിനിമയ്ക്ക് പേര്. സിനിമയുടെ ഫസ്റ്റ് ലുക്കും മോഷൻ ടീസറും പുറത്തിറങ്ങി. മുഴുനീള കോമഡി എന്‍റർടെയ്നർ വിഭാഗത്തിൽപെടുന്ന സിനിമയാണെന്നാണ് ഫസ്റ്റ് ലുക്ക് നൽകുന്ന സൂചന.

Also Read: ഭാവി വരനൊപ്പം ആദ്യ ചിത്രങ്ങളുമായി കാജല്‍ അഗര്‍വാള്‍; ആരാധകര്‍ക്കുള്ള സര്‍പ്രെെസ്!

സിനിമയുടെ ആദ്യ ഷെഡ്യൂൾ നേപ്പാളിലാണ് ആരംഭിക്കുന്നത്. സേവ്യര്‍ അലക്‌സും രാജീവ്‌ ഷെട്ടിയും ചേർന്നാണ് സിനിമയുടെ കഥയും തിരക്കഥയും സംഭാഷണവും എഴുതുന്നത്. എയ്ഞ്ചല്‍ മരിയ സിനിമാസിന്‍റെ ബാനറില്‍ എസ്.കെ. ലോറന്‍സാണ ചിത്രം നിർമിക്കുന്നത്. ശിക്കാരി ശംഭു എന്ന സിനിമയ്ക്ക് ശേഷം ലോറൻസ് നിർമ്മിക്കുന്ന ചിത്രം കൂടിയാണിതെന്ന പ്രത്യേകതയുമുണ്ട്.

Also Read: ഏഴ് മാസത്തെ മാറ്റം, ചിത്രവുമായി ദുൽഖർ; എന്ത് കോലം ആണ് ഇത്, അച്ഛനാണ് ഇതിലും ചെറുപ്പമെന്ന് ആരാധകരും!

റാഫി-മെക്കാര്‍ട്ടിന്‍, ഷാഫി എന്നിവരുടെ കീഴില്‍ സംവിധാനസഹായിയായി പ്രവര്‍ത്തിച്ചിട്ടുള്ളയാളാണ് രാജീവ് ഷെട്ടി. ഷാഫിയുടെ 'ഒരു പഴയ ബോംബ് കഥ' എന്ന സിനിമയിൽ ചീഫ് അസോസിയേറ്റായിരുന്നു. ആ സമയത്താണ് ബോംബ് കഥയിലെ നായകനായ ബിബിന്‍ ജോര്‍ജിനെ രാജീവ് പരിചയപ്പെടുന്നത്. അന്ന് തുടങ്ങിയ സൗഹൃദത്തിൽ നിന്നാണ് ഈ സിനിമയിലേക്ക് എത്തിയത്. ഇന്നസെന്‍റ്, സലിംകുമാർ, ഹരീഷ് കണാരൻ തുടങ്ങിയവരാണ് സിനിമയിലെ മറ്റ് അഭിനേതാക്കള്‍. ലിച്ചിയാണ് നായിക.

ഛായാഗ്രഹണം വിനോദ് ഇല്ലംപിള്ളി, സംഗീതം ബിജിബാൽ, പ്രോജക്ട് ഡിസൈനർ ബാദുഷ, എഡിറ്റിങ് ജിത്ത്, കല അഖിൽ രാജ്, കോസ്റ്റ്യൂം ഇർഷാദ്, മേക്കപ്പ് റോണെക്സ്, പ്രൊഡക്‌ഷൻ കൺട്രോളർ ശ്രീകുമാര്‍ ചെന്നിത്തല എന്നിവരാണ്.