കൂട്ട മാനഭംഗത്തിന് ഇരയാക്കിയെന്ന് നടി പൂജമിശ്ര

തന്നെ ബോധം കെടുത്തി കൂട്ട മാനഭംഗത്തിന് ഇരയാക്കിയെന്ന് നടിയും മോഡലുമായ പൂജ മിശ്ര. അപരിചിതരായ ആളുകള്‍ ചേര്‍ന്ന് തന്നെ കൂട്ട മാനഭംഗത്തിന് ഇരയാക്കി എന്നാണ് നടി പൊലീസില്‍ പറഞ്ഞിരിയ്ക്കുന്ന പരാതി.

ജൂണ്‍ പത്തിനാണ് സംഭവം നടന്നതെന്നും അവര്‍ മൂന്ന് പേര്‍ ഉണ്ടായിരുന്നു എന്നും നടി പറയുന്നു. കൂട്ടത്തില്‍ ഒരാള്‍ പീഡിപ്പിയ്ക്കുന്ന ദൃശ്യങ്ങള്‍ പകര്‍ത്തുകയും അത് വച്ച് ഇപ്പോള്‍ ഭീഷണിപ്പെടുത്തുകയാണെന്നും പരാതിയില്‍ പറയുന്നുണ്ട്. ചാനൽ പരിപാടിയുടെ ഷൂട്ട് കഴിഞ്ഞ ശേഷം കാമറാമാന്‍മാര്‍ തന്നെ ഹോട്ടലില്‍ പാര്‍ട്ടിയ്ക്ക് ക്ഷണിച്ചു. അവിടെ എത്തിയപ്പോള്‍ ഭക്ഷണത്തില്‍ മായം ചേര്‍ത്ത് മയക്കിയ ശേഷമാണ് പീഡിപ്പിച്ചതെന്ന് പരാതിയില്‍ പറയുന്നു.