Odiyanനാടെങ്ങും ഒടിയൻ; പുതിയ തെലുങ്ക് പോസ്റ്റര്‍ പുറത്തുവിട്ടു

നാടെങ്ങും ഒടിയനാണ്. പേനയിലും പ്രതിമയിലും ഒടിയൻ നിറഞ്ഞു നിൽക്കുകയാണ്. ഒടിയനിലെ ഗാനങ്ങലെല്ലാം യൂട്യൂബിൽ ഹിറ്റ് ലിസ്റ്റിലേക്ക് കുതിക്കുകയാണ്. നാട്ടിലും വിദേശത്തും ഒരേ സമയം റിലീസിനൊരുങ്ങുകയാണ് ചിത്രം. തെലുങ്കിലും മലയാളത്തിലും ഡിസംബർ 14നാണ് റിലീസ്.

തെലുങ്കിലെ ഒടിയൻ പോസ്റ്റ‍ർ സോഷ്യൽ മീഡിയയിൽ വൈറലാണ്. ചായം പൂശി ഭയാനകമായ മുഖത്തോടെയാണ് തെലുങ്ക് പോസ്റ്ററിൽ മാണിക്യൻ പ്രത്യക്ഷപ്പെട്ടിരിക്കുന്നത്. മഞ്ജു വാര്യരാണ് ചിത്രത്തിൽ നായിക.പ്രഭ എന്ന കഥാപാത്രത്തെയാണ് മഞ്ജു അവതരിപ്പിക്കുന്നത്. രാവുണ്ണി എന്ന വില്ലന്‍ കഥാപാത്രമായാണ് പ്രകാശ് രാജ് എത്തുന്നത്. ആശീര്‍വാദ് സിനിമാസിൻ്റെ ബാനറിൽ ആൻ്റണി പെരുമ്പാവൂരാണ് ചിത്രം നി‍ർമ്മിക്കുന്നത്