ബിജു മേനോന്റെ സ്വര്‍ണ്ണക്കടുവ; ഫസ്റ്റ് ലുക്ക്

ബിജു മേനോന്‍ നായകനെത്തുന്ന സ്വര്‍ണ്ണക്കടുവയുടെ ഫസ്റ്റ്‌ലുക്ക് പോസ്റ്റര്‍ പുറത്തിറങ്ങി. കുരുട്ടുബുദ്ധിയും കൗശലവുമായി ജീവിക്കുന്ന കഥാപാത്രമാണ് ‘സ്വര്‍ണ്ണകടുവ’യില്‍ ബിജു മേനോന്റേത്. ‘റിനി ഐപ്പ് മാട്ടുമ്മേല്‍’ എന്നാണ് കഥാപാത്രത്തിന്റെ പേര്. ജോസ് തോമസാണ് സംവിധാനം ചെയ്യുന്ന ചിത്രത്തില്‍ ഇനിയ, പൂജിത എന്നിവരാണ് നായികമാര്‍.

ഇന്നസെന്റ് അവതരിപ്പിക്കുന്ന ലോലപ്പന്‍ എന്ന ജ്വല്ലറി ഉടമയുടെ ഡ്രൈവറും മാനേജരും രഹസ്യ സൂക്ഷിപ്പുകാരനുമാണ് ‘റിനി’. ഇവര്‍ തമ്മിലുള്ള ബന്ധത്തില്‍ നിന്നാണ് ചിത്രത്തിലെ ഹ്യൂമറില്‍ ഭൂരിഭാഗവും രൂപംകൊള്ളുന്നത്. സുരേഷ് കൃഷ്ണ, സുധീര്‍ കരമന, ഹരീഷ് കണാരന്‍, കോട്ടയം നസീര്‍, ബൈജു, കലാഭവന്‍ ജിന്റോ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുക. ബാബു ജനാര്‍ദ്ദനനാണ് തിരക്കഥ ഒരുക്കുന്നത്. രതീഷ് വേഗയാണ് ഈണമൊരുക്കുന്നത്.