ദിലീപ് കുമാറിൻ്റെ പാകിസ്ഥാനിലെ വീട് തകർന്നു

ബോളിവുഡ് ഇതിഹാസം ദിലീപ് കുമാറിൻ്റെ പാകിസ്ഥാനിലെ തറവാടുവീട് തകർന്നുവീണു. പെഷാവറിലെ ചരിത്രപ്രസിദ്ധമായ ഖിസ്സ ഖവാനി ബസാറിനു സമീപമാണ് വീട്. പാക് പുരാവസ്തുവകുപ്പ് വീട് ദേശീയ പൈതൃക സ്വത്തായി ഏറ്റെടുത്തിരുന്നെങ്കിലും കാര്യമായ പരിഗണന കിട്ടാത്ത അവസ്ഥയിലാണെന്ന് വിമർശനമുയർന്നിരുന്നു.

അതിനു പിന്നാലെയാണ് തകർച്ച. ഇപ്പോൾ വീടിന്റെ ഗേറ്റും മുൻഭാഗവും മാത്രമാണ് അവശേഷിക്കുന്നത്. എന്നാൽ, വീട് പഴയതുപോലെ പുനർനിർമിക്കുമെന്ന് കൾചറൽ ഹെറിറ്റേജ് കൗൺസിൽ ജനറൽ സെക്രട്ടറി ശക്കീർ വഹീദുല്ല അറിയിച്ചു. 1922ൽ ഇൗ വീട്ടിൽ ജനിച്ച മുഹമ്മദ് യൂസുഫ് എന്ന ദിലീപ് കുമാർ സിനിമാഭ്രമവുമായി മുംബൈയിലെത്തുകയായിരുന്നു. പിന്നീട് ഇന്ത്യൻ സിനിമയിലെ സൂപ്പർ സ്റ്റാറായി ഉയർന്നു.



Dilip Kumar's 100-year-old ancestral home in Pakistan collapses



Dilip Kumar's ancestral house in Peshawar collapses, Govt to build replica