Also Read: കയ്യിൽ തോക്കേന്തി കീർത്തി! ഇനി പുതിയ മുഖം, പുതിയ ഭാവം; കാത്തിരിക്കുന്നത് വമ്പൻ പ്രോജക്ടുകൾ
സെൽഫി ഇനി തിയറ്ററിൽ
തുടർ പരാജയങ്ങളുടെ പടുകുഴിയിൽ നിന്നും ബോളിവുഡ് പോയ വർഷം ഉയർത്തെഴുന്നേറ്റത് മലയാള ചിത്രം ദൃശ്യം രണ്ടാം ഭാഗത്തിൻ്റെ ഹിന്ദി റീമേക്കിലൂടെയാണ്. വീണ്ടും മലയാളത്തിൽ നിന്നുമെത്തുന്ന റീമേക്ക് ചിത്രമാണിത്. 'സെൽഫി' എന്ന് പേരിട്ടിരിക്കുന്ന ചിത്രത്തിൽ അക്ഷയ് കുമാറും ഇമ്രാന്‍ ഹാഷ്മിയുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ചിത്രത്തിൻ്റെ മോഷൻ പോസ്റ്റർ പൃഥ്വിരാജും പങ്കുവച്ചിട്ടുണ്ട്. അക്ഷയ് കുമാർ സൂപ്പർ സ്റ്റാറായും ഇമ്രാൻ ഹാഷ്മി മോട്ടോർ വെഹിക്കിൾ ഇൻസ്പെക്ടറായും ചിത്രത്തിലെത്തുന്നു.
പൃഥ്വിരാജിൻ്റെ ഇടപെടൽ
ഇന്നു മലയാളത്തിൽ മികച്ച വിജയങ്ങൾ സ്വന്തമാക്കുന്ന സിനിമ നിർമാണ കമ്പനികളാണ് പൃഥ്വിരാജിൻ്റെ പൃഥ്വിരാജ് പ്രൊഡക്ഷൻസും ലിസ്റ്റിൻ സ്റ്റീഫൻ്റെ മാജിക് ഫ്രേയിമ്സും. ഡ്രൈവിംഗ് ലൈസൻസ് നിർമിച്ചത് ഇതേ ടീമായിരുന്നു. ഹിന്ദി ചിത്രം സെൽഫിയുടെ നിർമാണ പങ്കാളിയായി ബോളിവുഡിലേക്കും ചുവടു വെയ്ക്കുകയാണ് ഈ ഹിറ്റ് കൂട്ടുകെട്ട്. ഇതോടെ അഭിനയത്തിനു പുറമേ ബോളിവുഡിലും ഇനി നിർമാതാവായി മാറുകയാണ് പൃഥ്വിരാജ്. ലിസ്റ്റിന്‍ സ്റ്റീഫന്‍റെ മാജിക് ഫ്രെയിംസ്, കരണ്‍ ജോഹറിന്‍റെ ധര്‍മ്മ പ്രൊഡക്ഷന്‍സ്, അക്ഷയ് കുമാറിന്‍റെ കേപ് ഓഫ് ഗുഡ് ഫിലിംസ്, പൃഥ്വിരാജിന്‍റെ ഉടമസ്ഥതയിലുള്ള പൃഥ്വിരാജ് പ്രൊഡക്ഷന്‍സ് എന്നവർ ചേർന്നാണ് ചിത്രത്തിൻ്റെ നിര്‍മാണം.
പൃഥ്വിരാജും അക്ഷയ് കുമാറും
തുടരെയുള്ള പരാജയങ്ങളിൽ നിന്നും ബോക്സോഫീസ് നേട്ടം പ്രതീക്ഷിച്ചാണ് അക്ഷയ് കുമാർ സെൽഫിയുമായി എത്തുന്നത്. ഇതിനു പിന്നാലെ നിർമാതാവായ പൃഥ്വിരാജും നായകനായ അക്ഷയ് കുമാറും അടുത്ത ചിത്രത്തിൽ വീണ്ടും ഒന്നിക്കുകയാണ്. ബഡേ മിയാൻ ഛോട്ടേ മിയാൻ എന്ന ചിത്രത്തിലാണ് അക്കിയും പൃഥ്വിയും ഒന്നിച്ച് കാമറക്കു മുന്നിലെത്തുന്നത്. പുതിയ ചിത്രത്തിൽ അക്ഷയ് കുമാറിനു വില്ലനായിട്ടാണ് പൃഥ്വിരാജ് പ്രത്യക്ഷപ്പെടുന്നത്. ചിത്രത്തിൽ അക്ഷയ് കുമാറും ടൈഗർ ഷെറോഫുമാണ് നായകന്മാർ. മുമ്പ് നാം ഷബാന എന്ന ചിത്രത്തിലും പൃഥ്വിയും അക്ഷയ് കുമാറും ഒന്നിച്ച് അഭിനയിച്ചിട്ടുണ്ട്.
ഡ്രൈവിംഗ് ലൈസൻസ്
സംവിധായകനും തിരക്കഥാകൃത്തുമായ സച്ചിയുടെ രചനയില്‍ ലാല്‍ ജൂനിയര്‍ സംവിധാനം ചെയ്‍ത ചിത്രമായിരുന്നു ഡ്രൈവിംഗ് ലൈസന്‍സ്. കോമഡി ട്രാക്കിലൂടെ കഥ പറഞ്ഞ ചിത്രം വലിയ വിജയമാണ് ബോക്സോഫീസിൽ നേടിയത്. ചിത്രത്തിൽ മിയ, നന്ദു, സുരേഷ് കൃഷ്ണ, ലാലു അലക്സ്, സൈജു കുറുപ്പ് തുടങ്ങിയവരാണ് പ്രധാന കഥാപാത്രങ്ങളായത്.
Read Latest Malayalam Movie News And Malayalam News