വാനോളം മലയാളം
മലയാള സിനിമയ്ക്ക് മറ്റു ഭാഷകളില്‍ നിന്നുമുള്ള സംവിധായകരും താരങ്ങളും പ്രശംസയുമായെത്തുന്നത് പുതുമയല്ല. സമീപകാലത്തുയര്‍ന്നു വന്ന പല ചര്‍ച്ചകളിലും മലയാള സിനിമയെ കുറിച്ച് സിനിമാ നിരൂപകരും വാനോളം പുകഴ്ത്തിയിരുന്നു. ഇതിന് പിന്നാലെയാണ് ഇംത്യാസ് അലിയുടെ പ്രതികരണം.
വാർപ്പ് മാതൃകകളെ തകർക്കുന്ന മലയാളം
ലോക്ക്ഡൗണിനിടെ നടന്ന ലെെവ് ചാറ്റിലായിരുന്നു അദ്ദേഹം മനസ് തുറന്നത്. ഈയ്യടുത്ത് താന്‍ കുറച്ച് മലയാളം സിനിമകള്‍ കണ്ടെന്നും വാര്‍പ്പു മാതൃകകളെ തകര്‍ക്കുന്നതും ഹൃദയസ്പര്‍ശിയുമാണ് മലയാള സിനിമകളെന്നും അദ്ദേഹം അഭിപ്രായപ്പെട്ടു. ചില മലയാളം താരങ്ങളേയും കണ്ടിരുന്നുവെന്നും അദ്ദേഹം പറഞ്ഞു.
മൂത്തോനും നിവിനും
ചില പുതിയ താരങ്ങള്‍ മികച്ച അഭിനേതാക്കളാണ്. ഞാന്‍ മൂത്തോന്‍ കണ്ടു. എന്തൊരു ഗംഭീര സിനിമയാണ്. നടനെന്ന നിലയില്‍ നിവിന്‍ വളരെയധികം എഫക്ടീവാണ്. ഇംപ്രസ് ചെയ്യാന്‍ ശ്രമിക്കുന്നില്ല. ഒരു ഹീറോ ചെയ്യുന്ന എത്ര മികച്ച കഥാപാത്രമാണത്. അയാള്‍ മനോഹരമായി ചെയ്തിരിക്കുന്നു. എന്നായിരുന്നു അദ്ദേഹം പറഞ്ഞത്.
കെെയ്യടി നേടുന്ന ഗീതു
മൂത്തോനിലെ സ്വവര്‍ഗ്ഗ പ്രണയത്തിന്റെ അവതരണം ഏറെ പ്രശംസിക്കപ്പെട്ടിരുന്നു. നിവിന്‍ പോളിയുടേയും റോഷന്‍ മാത്യുവിന്റെയും പ്രകടനങ്ങളും സഞ്ജുവിന്റെ പ്രകടനവുമെല്ലാം ഏറെ പ്രശംസ നേടിയതായിരുന്നു. നിവിന്റെ കരിയറിലെ ഏറ്റവും മികച്ച പ്രകടനമായാണ് മൂത്തോന്‍ കണക്കാക്കപ്പെടുന്നത്. ഗീതുവിനെ തേടി പുരസ്കാരങ്ങളുമെത്തിയിരുന്നു.