#Me Too: കുറ്റക്കാർക്കൊപ്പം ജോലി ചെയ്യില്ലെന്ന് സംവിധായികമാർ
സ്ത്രീകൾക്ക് വിവേചനമില്ലാതെ സുരക്ഷിതമായി ജോലി ചെയ്യാൻ കഴിയുന്ന സാഹചര്യം വേണമെന്ന് സംവിധായികമാർ
Samayam Malayalam 15 Oct 2018, 5:03 pm
മുംബൈ: ബോളിവുഡിലും രാഷ്ട്രീയ രംഗത്ത് തരംഗമായ മീ ടൂ മുന്നേറ്റത്തിന് പിന്തുണ നൽകി വനിതാ സംവിധായകർ രംഗത്ത്. മലയാള സിനിമയിൽ വിമൻ ഇൻ സിനിമാ കളക്ടീവ് ആരംഭിച്ചതിന് സമാനമായാണ് ബോളിവുഡ് സംവിധായകർ രംഗത്ത് വരുന്നത്. ബോളിവുഡിലെ മുൻ നിര സംവിധായകരായ കങ്കണ സെൻശർമ, നന്ദിത ദാസ്, മേഘ്‌ന ഗുൽസാർ, ഗൗരി ഷിൻഡെ, കിരൺ റാവു, റീമ കാഗ്‍ട്ടി,സോയാ അക്തർ എന്നിവരാണ് മീ ടൂവിന് പിന്തുണ നൽകിയത്.
സിനിമാ മേഖലയിൽ ജോലി ചെയ്യുന്ന സ്ത്രീകൾക്ക് വിവേചനമില്ലാതെ സുരക്ഷിതമായി ജോലി ചെയ്യാൻ കഴിയണം. ലൈംഗികാരോപണ വിധേയർ കുറ്റക്കാരെന്ന് തെളിയുന്നവരോടൊപ്പം ജോലി ചെയ്യില്ലെന്നും വനിതാ സംവിധായകർ വ്യക്തമാക്കി. മീ ടൂവിന് പിന്തുണയുമായി കേന്ദ്രമന്ത്രി മനേകാ ഗാന്ധിയും സ്‌മൃതി ഇറാനിയും രംഗത്ത് വന്നിരുന്നു. ബോളിവുഡ് നടി തനുശ്രീ ദത്ത നാനാ പടേക്കർക്കെതിരെ മീ ടൂ പ്രഖ്യാപനവുമായി വന്നതോടെയാണ് വലിയ ചർച്ച ആരംഭിച്ചത്. തനുശ്രീക്ക് പിന്തുണയുമായി താരങ്ങൾ വന്നതോടെ മീ ടൂ വെളിപ്പെടുത്തലുകളുമായി നിരവധി പേർ മുന്നോട്ട് വന്നു. തമിഴ് സിനിമാ മേഖലയിൽ ഗായിക ചിന്മയിയാണ് മീ ടൂ വെളിപ്പെടുത്തലുകലുമായി മുന്നോട്ട് വന്നത്.
സിനിമാ മേഖലയിൽ ജോലി ചെയ്യുന്ന സ്ത്രീകൾക്ക് വിവേചനമില്ലാതെ സുരക്ഷിതമായി ജോലി ചെയ്യാൻ കഴിയണം. ലൈംഗികാരോപണ വിധേയർ കുറ്റക്കാരെന്ന് തെളിയുന്നവരോടൊപ്പം ജോലി ചെയ്യില്ലെന്നും വനിതാ സംവിധായകർ വ്യക്തമാക്കി. മീ ടൂവിന് പിന്തുണയുമായി കേന്ദ്രമന്ത്രി മനേകാ ഗാന്ധിയും സ്‌മൃതി ഇറാനിയും രംഗത്ത് വന്നിരുന്നു. ബോളിവുഡ് നടി തനുശ്രീ ദത്ത നാനാ പടേക്കർക്കെതിരെ മീ ടൂ പ്രഖ്യാപനവുമായി വന്നതോടെയാണ് വലിയ ചർച്ച ആരംഭിച്ചത്. തനുശ്രീക്ക് പിന്തുണയുമായി താരങ്ങൾ വന്നതോടെ മീ ടൂ വെളിപ്പെടുത്തലുകളുമായി നിരവധി പേർ മുന്നോട്ട് വന്നു. തമിഴ് സിനിമാ മേഖലയിൽ ഗായിക ചിന്മയിയാണ് മീ ടൂ വെളിപ്പെടുത്തലുകലുമായി മുന്നോട്ട് വന്നത്.