കാൻ ഫെസ്റ്റ്: 'ഷോ​പ്‌ ലി​ഫ്റ്റേ​ഴ്സി'ന് പാന്‍ ഡി ഒാര്‍ പുരസ്‌കാരം

കാന്‍: എഴുപതാമത് കാന്‍ അന്താരാഷ്ട്ര ചലച്ചിത്ര മേള കൊടിയിറങ്ങി. ഒപ്പം കാന്‍ ചലച്ചിത്ര പുരസ്‌കാരങ്ങളും പ്രഖ്യാപിച്ചു. ജാപ്പനീസ് സംവിധായകനായ ഹിരോസാകു കൊറീദക്കാണ് 'പാൻ ഡി ഒാർ പുരസ്കാരം'. ജപ്പാനിലെ ഒരു നിര്‍ധന കുടുംബത്തിൻ്റെ കഥപറഞ്ഞ ചിത്രമായ 'ഷോപ്‌ ലിഫ്റ്റേഴ്സാണ്' പുരസ്കാരം നേടിക്കൊടുത്തത്‌.

മികച്ച സംവിധായകനായി കോള്‍ഡ്‌വാര്‍' എന്ന പോളീഷ് ചിത്രത്തിൻ്റെ സംവിധായകൻ പവേല്‍ പവ്‌ലികോവ്സ്കി തെരഞ്ഞെടുക്കപ്പെട്ടു. 'ഡോഗ്‌മാന്‍' ഇറ്റാലിയന്‍ ചിത്രത്തിലെ അഭിനയത്തിന് ഇറ്റലിക്കാരനായ മാഴ്സെലോ ഫോണ്ടി മികച്ച നടനുള്ള അവാര്‍ഡ് നേടി. റഷ്യന്‍-കസാഖ് ചിത്രമായ അയ്കയില്‍ നായികവേഷം ചെയ്ത സമാല്‍ യെസ്‌ല്യമോവ മികച്ച നടിയായി. മികച്ച തിരക്കഥക്കുള്ള പുരസ്കാരം ആലിസ് റോവാച്ചര്‍ (ഹാപ്പി ആസ് ലസാരോ), നാദിര്‍ സായ്‌വര്‍, ജാഫര്‍ പനാഹി (3 ഫെയ്സസ്) എന്നിവര്‍ പങ്കിട്ടു.