കീർത്തി സുരേഷിനും ടൊവിനോയ്ക്കുമൊപ്പം നിങ്ങൾക്കും അഭിനയിക്കാം, ചാൻസ് കിട്ടാനായി ചെയ്യേണ്ടതെന്താണെന്നോ?

ടൊവിനോ തോമസിനെയും കീർത്തി സുരേഷിനെയും മുഖ്യ കഥാപാത്രങ്ങളാക്കി രേവതി കലാമന്ദിറിൻ്റെ ബാനറിൽ നടനും സംവിധായകനുമായ വിഷ്ണു ജി രാഘവ് സംവിധാനം ചെയ്യുന്ന ചിത്രമാണ് 'വാശി'. ജാനിസ് ചാക്കോ സൈമൺ കഥയെഴുതുന്ന ചിത്രത്തിന്റെ തിരക്കഥ സംവിധായകൻ വിഷ്ണു തന്നെയാണ് നിർവഹിക്കുന്നത്. പ്രമുഖ ചലച്ചിത്ര നിർമ്മാണ കമ്പനിയായ രേവതി കലാമന്ദിർ നിരവധി സൂപ്പര്‍ഹിറ്റ് ചിത്രങ്ങൾക്ക് ശേഷം ഒരുക്കുന്ന സിനിമയാണ് ഇത്. ശ്രദ്ധേയനായ ഛായാഗ്രാഹകന്‍ റോബി വർഗ്ഗീസ് രാജാണ് ഛായാഗ്രഹകൻ. ഈ ചിത്രത്തിലേക്ക് അഭിനേതാക്കളെ തേടുകയാണ് അണിയറപ്രവർത്തകർ ഇപ്പോൾ.

Also Read: 'പവർസ്റ്റാറിൽ 2 ഗൺ ഫൈറ്റ് അടക്കം ആറ് ഫൈറ്റ്, വലിയ പറക്കലും ഓവർ സ്ലോ മോഷനും ഗ്രാവിറ്റി മറന്നുള്ള ഫൈറ്റുമുണ്ടാകില്ല'; പുത്തൻ വിശേഷങ്ങളുമായി ഒമർ ലുലു!

മോഹൻലാലായിരുന്നു ചിത്രത്തിൻ്റെ ഫസ്റ്റ് ലുക്ക് ടൈറ്റിൽ പോസ്റ്റർ പുറത്ത് വിട്ടിരുന്നത്. ഇപ്പോഴിതാ ചിത്രത്തിലേക്ക് അഭിനേതാക്കളെ തേടുമ്പോൾ അണിയറക്കാർ ആവശ്യപ്പെടുന്നത് പതിനെട്ടിനും ഇരുപത്തിയഞ്ചിനും മധ്യേ പ്രായമുള്ള സ്തീകളെയും മുപ്പത്തിയഞ്ചിനും അൻപതിനും മധ്യേ പ്രായമുള്ള പുരുഷന്മാരെയുമാണ് സിനിമയിലേക്ക് ആവശ്യം.താത്പര്യമുള്ളവർ എഡിറ്റ് ചെയ്യാത്ത അഞ്ച് മുതൽ പത്ത് ചിത്രങ്ങളും ഒരു മിനിറ്റിൽ കുറയാത്ത സെൽഫ് ഇൻട്രൊഡക്ഷൻ വീഡിയോയും നാലു മിനിറ്റിൽ കുറയാത്ത ഒരു പെർഫോമൻസ് വീഡിയോയും vashicasting@gmail.com എന്ന മെയിൽ ഐഡിയിലേക്ക് അയക്കേണ്ടതാണ്.



സംവിധായകൻ മഹേഷ് നാരായണനാണ് എഡിറ്റിങ്ങ് നിർവ്വഹിക്കുന്നത്. വിനായക് ശശികുമാറിന്റെ വരികള്‍ക്ക് കൈലാസ് മേനോൻ സംഗീത സംവിധാനം നിര്‍വ്വഹിക്കുന്നു. ഈ വർഷം പകുതിയോടെ ചിത്രീകരണം ആരംഭിക്കുന്ന ചിത്രം വിതരണത്തിന് എത്തിക്കുന്നത് ഉർവ്വശി തീയ്യേറ്റേഴ്സും രമ്യാ മൂവീസും ചേർന്നാണ്. ജി.സുരേഷ്കുമാറാണ് രേവതി കലാമന്ദിറിന്റെ ബാനറിൽ സിനിമ നിര്‍മ്മിക്കുന്നത്. നടി മേനക സുരേഷ്, മകൾ രേവതി സുരേഷ് എന്നിവർ സഹനിർമ്മാണവും നിർവ്വഹിക്കുന്നു. നിധിൻ മോഹനാണ് എക്സിക്യൂട്ടീവ് പ്രൊഡ്യൂസർ. രേവതി കലാമന്ദിറിന്റെ ബാനറില്‍ പുറത്തിറങ്ങിയ അവസാന ചിത്രം 2012ല്‍ പുറത്തിറങ്ങിയ ചട്ടക്കാരിയാണ്.

Also Read: 'വിറച്ചുകൊണ്ട് മമ്മൂക്കയോട് ഞാൻ ചോദിച്ചു,'സർ മേ ഐ?'

കെ.രാധാകൃഷ്ണനാണ് ലൈന്‍ പ്രൊഡ്യൂസര്‍, ബാദുഷ എന്‍.എം ആണ് പ്രോജക്ട് ഡിസൈനർ, മഹേഷ് ശ്രീധറാണ് കലാ സംവിധാനം നിർവ്വഹിക്കുന്നത്. പി.വി ശങ്കറാണ് മേക്കപ്പ്, ദിവ്യ ജോർജ് കോസ്റ്റ്യൂം, എം.ആർ രാജകൃഷ്ണൻ സൗൺഡ് ഡിസൈനിങ്, പി. ശിവപ്രസാദാണ് പി.ആർ.ഒ, ഡിസൈൻ നിർവ്വഹണം ഓൾഡ് മോംക്സാണ്.