അസ്‌കര്‍ അലി നായകനാകുന്ന 'ചെമ്പരത്തിപ്പൂ': ഫസ്റ്റ്‍‍ലുക്ക് എത്തി

ആസിഫ് അലിയുടെ സഹോദരന്‍ അസ്‌കര്‍ അലി നായകനാകുന്ന 'ചെമ്പരത്തിപ്പൂ'വിന്‍റെ ഫസ്റ്റ്‍‍ലുക്ക് പോസ്റ്റര്‍ പുറത്ത് വിട്ടു. നവാഗതനായ അരുണ്‍ വൈഗയാണ് ചിത്രം ഒരുക്കുന്നത്. ഹണി ബീ 2.5 ന് ശേഷം അസ്‌കര്‍ അലി നായകനാകുന്ന ചിത്രമാണിത്. അജു വര്‍ഗീസ്, വിശാഖ് നായര്‍ എന്നിവരാണ് ചിത്രത്തിലെ മറ്റു മുഖ്യ താരങ്ങൾ.

കഴിഞ്ഞ പ്രണയ ദിനത്തിൽ ചോക്ലേറ്റ് ഹീറോ ആയ കുഞ്ചാക്കോ ബോബനാണ് ചിത്രം പ്രഖ്യാപിച്ചത്. പ്രണയം പ്രമേയമാക്കി ഒരുക്കുന്ന ചിത്രത്തിന് തിരക്കഥ ഒരുക്കിയിരിക്കുന്നതും അരുണ്‍ വൈഗ തന്നയാണ്. അലമാര ഫെയിം അതിഥിരവിയും പുതുമുഖം പാര്‍വ്വതി അരുണുമാണ് ചിത്രത്തിലെ നായികമാര്‍.

ഡ്രീംസ് സ്‌ക്രീന്‍സിന്‍റെ ബാനറില്‍ ഭുവനേന്ദ്രന്‍, സഖറിയ എന്നിവരാണ് ഈ ചിത്രം നിര്‍മ്മിക്കുന്നത്. വിജിലേഷ്,സുധീര്‍ കരമന, ദിനേശ്നായര്‍, സുനില്‍സുഖത, കോട്ടയം പ്രദീപ്, ധര്‍മ്മജന്‍ ബോള്‍ഗാട്ടി എന്നിവരും ചിത്രത്തിലുണ്ട്. ചിത്രത്തിന്‍റെ ട്രെയിലര്‍ കഴിഞ്ഞദിവസം പുറത്തിറങ്ങിയ വില്ലനൊപ്പം പുറത്തുവിട്ടിട്ടുണ്ട്. മാക്‌സ് ലാബ് ആണ് ചിത്രം തീയേറ്ററുകളില്‍ എത്തിക്കുന്നത്.

Chembarathippoo Malayalam Movie: First Look is Out

Malayalam Movie Chembarathippoo First Look is released; Trailer also released with Villain Movie