അച്ഛന് പിന്നാലെ മകനും
വിക്രമിന് പിന്നാലെ മകന്‍ ധ്രുവ് വിക്രമും സിനിമയിലെത്തിയിരുന്നു. തെലുങ്കില്‍ സൂപ്പര്‍ ഹിറ്റായി മാറിയ അര്‍ജുന്‍ റെഡ്ഡിയുടെ തമിഴ് റീമേക്കായ ആദിത്യ വര്‍മയിലൂടെയായിരുന്നു ധ്രൂവിന്റെ അരങ്ങേറ്റം.
അച്ഛനും മകനും ഒരുമിക്കുന്നു
അച്ഛനും മകനും ഒരുമിക്കുന്നുവെന്നായിരുന്നു പിന്നീട് വന്ന വാര്‍ത്ത. ഹിറ്റ് സംവിധായകന്‍ കാര്‍ത്തിക് സുബ്ബരാജ് സംവിധാനം ചെയ്യുന്ന ചിത്രത്തില്‍ ധ്രുവും വിക്രമും ഒരുമിക്കുകയാണ്. സെവന്‍ സ്ക്രീന്‍ സ്റ്റുഡിയോസാണ് ചിത്രം നിര്‍മ്മിക്കുന്നത്.
വില്ലനായി വിക്രം
ഇപ്പോഴിതാ ചിത്രവുമായി ബന്ധപ്പെട്ട മറ്റൊരു വിവരവും പുറത്ത് വരികയാണ്. ചിത്രത്തില്‍ വിക്രം വില്ലനായിട്ടാകും എത്തുക എന്നാണ് റിപ്പോര്‍ട്ടുകള്‍. അങ്ങനെയെങ്കില്‍ മറ്റൊരാള്‍ നായകനായെത്തുന്ന ചിത്രത്തില്‍ വിക്രം വില്ലനാകുന്നത് ആദ്യമാകും.
പ്രതീക്ഷയോടെ ആരാധകർ
നേരത്തെ വിക്രം ഇരട്ട വേഷത്തിലെത്തിയ ഇരുമുഖനില്‍ ഒരു വേഷം വില്ലന്റേതായിരുന്നു. അതേസമയം ഗ്യാങ് സ്റ്റര്‍ ചിത്രമാണ് കാര്‍ത്തിക് ഒരുക്കുന്നതെന്നും നായകന്റെ പഴയകാലമാണ് ധ്രുവ് ചെയ്യുന്നതെന്നുമായിരുന്നു നേരത്തെ പുറത്തു വന്ന റിപ്പോര്‍ട്ടുകള്‍.