കോമ്രേഡ് ഇൻ അമേരിക്ക നാളെ തിയേറ്ററുകളിൽ

കൊച്ചി: ദുല്‍ഖര്‍ സല്‍മാനെ നായകനാക്കി അമല്‍ നീരദ് സംവിധാനം ചെയ്യുന്ന 'സിഐഎ' കോമ്രേഡ് ഇൻ അമേരിക്ക നാളെ തിയേറ്ററുകളിലെത്തും. ചിത്രത്തില്‍ അജി മാത്യു എന്ന കഥാപാത്രത്തെയാണ് ദുല്‍ഖര്‍ അവതരിപ്പിക്കുന്നത്. ചാന്ദ്നി ശ്രീധരനും ചിത്രത്തിലുണ്ട്. അജ്മൽ ഖാലിദാണ് ചിത്രം നിര്‍മിക്കുന്നത്.

രാഷ്ട്രീയവും പ്രണയവുമൊക്കെ പ്രമേയമായ ചിത്രത്തില്‍ നവാഗതയായ കാര്‍ത്തിക മുരളീധരനാണ് നായിക. അന്‍വര്‍ റഷീദും ചേര്‍ന്ന് നിര്‍മിക്കുന്ന ചിത്രത്തിന് വേണ്ടി സംഗീതമൊരുക്കുന്നത് ഗോപി സുന്ദറാണ്. ചിത്രത്തിന്‍റേതായി പുറത്തിറങ്ങിയ പാട്ടുകൾ ഇതിനോടകം തന്നെ വൻ ഹിറ്റാണ്. ചിത്രം നാളെ തിയേറ്ററുകളിലെത്തുകയാണെന്നറിയിച്ചു കൊണ്ട് ദുൽഖർ സൽമാൻ ഫേസ്ബുക്ക് പേജിലൂടെ ചിത്രത്തിന്‍റെ ഒരു പോസ്റ്റർ പങ്കുവെച്ചിട്ടുണ്ട്.



CIA movie release tomorrow

Dulquer Salman's New Movie CIA (Comrade in America) will release tomorrow