നിറങ്ങളുടെ രാജകുമാരന്‍റെ കഥ പറയുന്ന 'ക്ലിന്‍റി'ന്‍റെ ട്രെയിലറെത്തി

എഡ്മണ്ട് തോമസ് ക്ലിന്‍റിന്‍റെ ജീവിത കഥപറയുന്ന മലയാള ചിത്രം 'ക്ലിന്‍റി'ന്‍റെ ട്രെയിലറെത്തി. ഹരികുമാറാണ് ചിത്രം സംവിധാനം ചെയ്യുന്നത്. ഗോകുലം ഗോപാലന്‍ നിര്‍മ്മിക്കുന്ന ചിത്രത്തിൽ ഉണ്ണിമുകുന്ദനാണ് ക്ലിന്‍റിന്‍റെ അച്ഛനായി വെള്ളിത്തിരയിലെത്തുക. ക്ലിന്‍റിന്‍റെ അമ്മയായി റിമ കല്ലിങ്കലുമെത്തുന്നു. രഞ്ജി പണിക്കര്‍, ജോയ് മാത്യു എന്നിവര്‍ ചിത്രത്തിൽ മുഖ്യവേഷങ്ങൾ അവതരിപ്പിക്കുന്നുണ്ട്. ​ കെപിഎസി ലളിത, വിനയ് ഫേർട്ട്, ഭരത് എന്നിവരാണ് മറ്റു പ്രധാന താരങ്ങൾ.




ഉണ്ണി മുകുന്ദൻ ചിത്രത്തിൽ മുപ്പത് വയസ് മുതല്‍ അറുപത് വയസ് വരെ നീളുന്ന കഥാപാത്രമായിട്ടായിരിക്കും പ്രതൃക്ഷപ്പെടുക. ഇതിലെ അറുപതുകാരനായ ഉണ്ണിയുടെ രൂപം പുറത്തുവിട്ടപ്പോൾ ആരാധകര്‍ അക്ഷരാര്‍ഥത്തിൽ ഞെട്ടിയിരുന്നു.

1976ല്‍ മെയ് 19ന് ജനിച്ച ക്ലിന്‍റ് കിഡ്‌നി സംബന്ധിതമായ രോഗത്തെ തുടര്‍ന്ന് 1983 ഏപ്രില്‍ 15നാണ് മരിച്ചത്. മാസ്റ്റര്‍ അലോകാണ് ടൈറ്റില്‍ റോളിലെത്തുന്നത്. നീണ്ട വര്‍ഷങ്ങളിലെ അണിയറ പ്രവര്‍ത്തനങ്ങള്‍ക്ക് ശേഷം കഴിഞ്ഞ കഴിഞ്ഞ ഫെബ്രുവരിയിലാണ് സിനിമ ചിത്രീകരണം ആരംഭിച്ചത്.

Clint Malayalam movie Trailer is out

Clint Malayalam Movie Trailer is out, starring Unni Mukundan and Rima Kallingal