മണി ചെയ്ത വേഷങ്ങള്‍ ചെയ്യാനുള്ള കഴിവ് തനിക്കില്ല: മമ്മൂട്ടി

കലാഭവന്‍ മണി ചെയ്തുപോലുള്ള വേഷങ്ങള്‍ ചെയ്യാന്‍ തനിയ്ക്ക് അവസരങ്ങള്‍ ലഭിച്ചിട്ടില്ലെന്നും, ആ വേഷങ്ങള്‍ ചെയ്യാനുള്ള കഴിവ് തനിക്കില്ലെന്നും മമ്മൂട്ടി. ചാലക്കുടിയില്‍ വച്ചു നടന്ന കലാഭവന്‍ മണിയുടെ അനുശോചന യോഗത്തില്‍ സംസാരിക്കുകയായിരുന്നു അദ്ദേഹം.

കലാഭവന്‍ എന്ന സ്ഥാപനത്തിന്റെ പേര് ഇത്രയേറെ പ്രശസ്തമാകാന്‍ കാരണം കലാഭവന്‍ മണിയാണ്. ഒരുപാട് മുഖങ്ങളുള്ള ആളാണ് മണി. മണി സിനിമയുടെ സെറ്റിലുണ്ടെങ്കില്‍ അതൊരു ധൈര്യമാണ്. മണിയുടെ കരുത്ത് ശരീരത്തിന് മാത്രമല്ല, മനസ്സിനുമുണ്ട്. കലാഭവന്‍ മണി ഭാഷയ്ക്കും ദേശത്തിനും അതീതനായ കലാകാരനാണ്. മണി ചാലക്കുടിക്കാരനല്ല, കേരളീയനല്ല, തമിഴന്‍ അല്ല, കലാരംഗത്തെ ഭാരതീയനാണ്. സിനിമ ഉള്ള കാലത്തോളം മണി എന്ന നടനെ അനുഭവിച്ച്‌ പ്രേക്ഷകര്‍ അത്ഭുതപ്പെടും .
കലാഭവന്‍ മണിയുടെ വിയോഗത്തില്‍ ദുഃഖിക്കുന്ന ചാലക്കുടിക്കാരെ ആശ്വസിപ്പിയ്ക്കാന്‍ മാത്രമല്ല ഞാനിവിടെ വന്നതെന്നും എന്റെ ദുഃഖത്തില്‍ നിങ്ങളെ കൂടെ പങ്കുചേര്‍ക്കാനാണ് എന്നും പറ‍ഞ്ഞു മമ്മൂട്ടി.