ഫഹദ് ഫാസില്‍ ബോളിവുഡിലേക്ക്? ദംഗല്‍ സംവിധായകനുമായി കെെകോര്‍ക്കുന്നതായി റിപ്പോര്‍ട്ട്!

മലയാള സിനിമയ്ക്ക് രാജ്യമാകെ ഇപ്പോള്‍ വലിയ ആരാധകരാണുള്ളത്. മലയാളികളെ പോലെ തന്നെ മലയാള സിനിമകളുടെ റിലീസുകള്‍ക്കായി മറ്റുള്ളവരും കാത്തിരിക്കുന്നുണ്ട്. കേരളത്തിന് പുറത്തും ധാരാളം ആരാധകരുള്ള താരമാണ് ഫഹദ് ഫാസില്‍. പ്രമുഖ സംവിധായകരും താരങ്ങളും വരെ ഫഹദിന്റെ ആരാധകരായുണ്ട്. പലരും ഫഹദിന്റെ അഭിനയ മികവിനെ കുറിച്ചും തുറന്നു സംസാരിച്ചിട്ടുണ്ട്.

Also Read: അമ്മയ്ക്ക് തുല്യം അമ്മ മാത്രം; അമ്മ തന്‍റെ മുടി പിന്നിയിടുന്ന ചിത്രം പങ്കുവെച്ച് ബിനീഷ്

ഇപ്പോഴിതാ ഫഹദ് ഫാസിലും ദംഗല്‍, ചിച്ചോരെ തുടങ്ങിയ സിനിമകളുടെ സംവിധായകനുമായ നിതേഷ് തിവാരിയും കെെകോര്‍ക്കുന്നതായാണ് റിപ്പോര്‍ട്ടുകള്‍. താന്‍ ഫഹദിന്റെ വലിയ ആരാധകനായി മാറിയെന്ന് നേരത്തെ നിതേഷ് തിവാരി ട്വീറ്റ് ചെയ്തിരുന്നു. നിതേഷും ഫഹദും കെെകോര്‍ക്കുകയാണെങ്കില്‍ സിനിമാപ്രേമികള്‍ക്ക് എക്കാലത്തും ഓര്‍മ്മിച്ച് വെക്കാന്‍ കഴിയുന്ന ചിത്രമായി അത് മാറുമെന്നുറപ്പാണ്.

ഫഹദിന്റെ കുമ്പളങ്ങി നെെറ്റ്സ്, മഹേഷിന്റെ പ്രതികാരം, ഞാന്‍ പ്രകാശന്‍, സൂപ്പര്‍ ഡീലക്സ് എന്നീ ചിത്രങ്ങള്‍ കണ്ട ശേഷമാണ് താന്‍ ഫാന്‍ ആയെന്ന് നിതേഷ് പറഞ്ഞത്. അല്‍പ്പം വെെകിയാണ് ഫഹദിന്റെ സിനിമകള്‍ കണ്ടത്. പക്ഷെ ഇപ്പോള്‍ വലിയ ആരാധകനാണ്. ഏത് റോളിലും അദ്ദേഹം അസാധ്യമാണെന്നുമായിരുന്നു നിതേഷിന്റെ ട്വീറ്റ്.

Also Read: അത് ഫഹദ് അല്ല! വ്യാജ ഇന്‍സ്റ്റഗ്രാം അക്കൗണ്ടിനെതിരെ നസ്രിയ

അതേസമയം, നിതേഷ് ഹിന്ദിയിലാണ് സിനിമ ഒരുക്കന്നതെങ്കില്‍ അത് ഫഹദിന്റെ ബോളിവുഡ് അരങ്ങേറ്റത്തിനും വഴിയൊരുക്കും. എന്നാല്‍ ഇതുമായി ബന്ധപ്പെട്ട് സ്ഥിരീകരണങ്ങളൊന്നും ലഭ്യമായിട്ടില്ല. ഫഹദോ നിതേഷോ റിപ്പോര്‍ട്ടുകളോട് പ്രതികരിച്ചിട്ടില്ല.