ധനുഷ് നിർമ്മിക്കുന്ന മലയാള ചിത്രത്തിൽ നായകൻ ടൊവീനോ

തമിഴ് സൂപ്പർതാരം ധനുഷ് മലയാളത്തില്‍ സിനിമാ നിർമ്മാണത്തിലേക്ക് വരുന്നു. ​ ദേശീയ പുരസ്കാരം വരെ ലഭിച്ച 'വിസാരണൈ', 'കാക്ക മുട്ടയ്' എന്നീ ചിത്രങ്ങള്‍ നിർമ്മിച്ച് ശ്രദ്ധപിടിച്ച് പറ്റിയ താരം കോമഡി ശ്രേണിയില്‍ പുരോഗമിക്കുന്ന കഥ കേട്ട് ഇഷ്ടപ്പെട്ട് ചിത്രം മലയാളത്തില്‍ നിര്‍മ്മിക്കാമെന്ന് തീരുമാനിക്കുകയായിരുന്നു. ധനുഷിന്റെ പ്രൊഡക്ഷൻ ബാനറായ വുണ്ടർബാർ മൂവിസിന് കീഴിലാണ് നിർമ്മാണം.

മൃത്യുംജയം എന്ന ഹിറ്റ് ഷോര്‍ട്ട് ഫിലിം സംവിധാനം ചെയ്ത ഡൊമനിക്ക് അരുണ്‍ സംവിധാനം ചെയ്യുന്ന ചിത്രത്തില്‍ ടൊവീനോ തോമസ് നായകനാകും. നേഹ അയ്യര്‍ എന്ന പുതുമുഖ നായികയാണ് ചിത്രത്തിനായ് തെരഞ്ഞെടുത്തിരിക്കുന്നത്. ധനുഷ് ആദ്യമായി സംവിധാനം ചെയ്യുന്ന പവര്‍പാണ്ടി എന്ന ചിത്രം ഏപ്രില്‍ 14ന് റിലീസ് ചെയ്യാനൊരുങ്ങി നില്‍ക്കുകയാണ്. ഇടപ്പള്ളി വനിതാ തിയറ്ററിൽ ‌‌‌‍മാ‍‍‍ര്‍ച്ച് 19ന് ചിത്രത്തിന്‍റെ പൂജ നടക്കും.

Dhanush to make his Malayalam debut as a producer
Mollywood’s up-and-coming star Tovino Thomas will play the lead role. He is currently basking in the success of his recent film Oru Mexican Aparatha.