ദിലീപ്-നാദിർഷ കൂട്ടുകെട്ട്
മിമിക്രി വേദികളിലൂടെ സിനിമയിലേക്കെത്തിയ ദിലീപ്-നാദിർഷ കൂട്ടുകെട്ട് ആദ്യമായി ഒരുമിക്കുന്ന സിനിമയാണിതെന്ന പ്രത്യേകതയുണ്ട്.
ദിലീപും ഉർവശിയും ആദ്യമായി
സിനിമയുടെ ഫസ്റ്റ് ലുക്ക് പോസ്റ്റർ പുറത്തിറങ്ങിയതോടെ പോസ്റ്ററിലെ ദിലീപിന്‍റെ വേറിട്ട ലുക്ക് ഏറെ ച‍ർച്ചയായിരുന്നു. ശേഷം ദിലീപിന്‍റെ മൊട്ടയടിച്ചുള്ള ലുക്ക് സോഷ്യൽമീഡിയയിൽ വൈറലായിരുന്നു. ഉർവശിയും ദിലീപും ആദ്യമായി ഒന്നിക്കുന്ന ചിത്രവുമാണിത്.
നാദിർഷായുടെ നാലാം ചിത്രം
അമർ അക്ബർ അന്തോണി, കട്ടപ്പനയിലെ ഋത്വിക് റോഷൻ, മേരാ നാം ഷാജി തുടങ്ങിയ സിനിമകളൊരുക്കിയ നാദിർഷ ഒരുക്കുന്ന നാലാമത്തെ ചിത്രമാണിത്.
ക്യാമറമാനോടൊപ്പം
അനിൽ നായരാണ് സിനിമയുടെ ഛായാഗ്രഹണം. ക്യാമറാമാൻ അനിൽ നായർക്കൊപ്പം പഴനിയിൽ’കേശു’വിന്റെ പണിപ്പുരയിൽ എന്നു കുറിച്ചുകൊണ്ട് നാദിർഷ കഴിഞ്ഞ ദിവസം ഫേസ്ബുക്കിൽ ഒരു ചിത്രം പങ്കുവെച്ചിരുന്നു.
ഉർവശിയെകുറിച്ച് നാദിർഷ
സ്കൂൾ , കോളേജ് കാലഘട്ടങ്ങളിൽ കണ്ട സിനിമകളിലെ പ്രിയപ്പെട്ട നായിക ഉർവശി ചേച്ചിയെ നായികയാക്കി ഒരു സിനിമ സംവിധാനം ചെയ്യാൻ പറ്റുമെന്ന് സ്വപ്നത്തിൽ പോലും ചിന്തിച്ചിട്ടില്ലെന്ന് കുറിച്ചുകൊണ്ട് ഉർവശിയോടൊപ്പമുള്ള ചിത്രം കഴിഞ്ഞ ദിവസം നാദിർഷ പങ്കുവെച്ചിരുന്നു.
കേശുവേട്ടനും രത്നമ്മചേച്ചിയും
സിനിമയിൽ കേശുവേട്ടനായി ദിലീപ് എത്തുമ്പോൾ രത്നമ്മ ചേച്ചിയായാണ് ഉർവശി എത്തുന്നത്. പ്രണയദിനത്തിൽ ഇരുവരും ചേർന്നുള്ളൊരു പോസ്റ്റർ പുറത്തിറക്കിയിരുന്നത് ഏറെ ശ്രദ്ധ നേടിയിരുന്നു.