'എന്‍റെ രാജ്യത്തോടുള്ള ബഹുമാനം കൊണ്ട് ഞാന്‍ വരുന്നില്ല'

ലോസ് ആഞ്ചലീസ്: ഇറാനിയന്‍ സംവിധായകന്‍ അസ്‍ഗര്‍ ഫര്‍ഹാദി ഓസ്കര്‍ നിശയ്ക്ക് എത്തിയില്ല. അദ്ദേഹത്തിന്‍റെ സിനിമ, -ദി സെയില്‍സ് മാന്‍- മികച്ച വിദേശഭാഷ ചിത്രത്തിനുള്ള പുരസ്കാരം നേടിയിരുന്നു.

ഇറാന്‍ അടക്കമുള്ള ആറ് മുസ്ലീം ഭൂരിപക്ഷ രാജ്യങ്ങളില്‍ നിന്നുള്ളവര്‍ക്ക് ഡോണള്‍ഡ് ട്രംപ് ഭരണകൂടം വിലക്ക് ഏര്‍പ്പെടുത്തിയിരുന്നു. ഇതില്‍ പ്രതിഷേധിച്ചാണ് ഫര്‍ഹാദി ഓസ്‍കര്‍ ബഹിഷ്‍കരിച്ചത്.

'എന്‍റെ രാജ്യത്തോടും അവിടുത്തെ ജനങ്ങളോടുമുള്ള ബഹുമാനം കൊണ്ട് ഞാന്‍ വരുന്നില്ല. അമേരിക്കയും നമ്മുടെ ശത്രുക്കളും എന്ന രീതിയില്‍ ലോകത്തെ വിഭജിക്കുന്നത് ഭയപ്പെടുത്തുന്നു' അദ്ദേഹത്തിന്‍റെ പ്രസ്താവനയില്‍ പറയുന്നു.

മുന്‍പ് 'എ സെപറേഷന്‍' എന്ന ചിത്രത്തിലൂടെ മികച്ച വിദേശഭാഷ ചിത്രത്തിനുള്ള ഓസ്‍കര്‍ അദ്ദേഹം നേടിയിരുന്നു.

Director Asghar Farhadi won his second Oscar for Best Foreign Language Film