സിഐഡി മൂസയുടെ രണ്ടാം ഭാഗം എത്തുമോ? ജോണി ആൻ്റണി പറയുന്നു

മുതിർന്നവരേയും കുട്ടികളേയും ഒരുപോലെ ചരിപ്പിച്ച ദിലീപിൻ്റെ മെഗാഹിറ്റ് ചിത്രം സിഎെഡി മൂസക്ക് രണ്ടാം വരവ് ഉണ്ടാകുമോ ദിലീപുമായുള്ള ബന്ധത്തെക്കുറിച്ചും, മൂസയുടെ രണ്ടാം ഭാഗത്തെക്കുറിച്ചും ജോണി ആൻ്റണി ഇൗയിടെ ഒരു പ്രമുഖ മാധ്യമത്തിനോട് മനസ് തുറന്നു

നടിയെ ആക്രമിച്ച കേസിനെക്കുറിച്ചുള്ള ചോദ്യത്തിന് ആരും എപ്പോള്‍ വേണമെങ്കിലും ഇത്തരം പ്രശ്നങ്ങളില്‍ പെടാമെന്നും അതൊക്കെ സത്യമാണോ എന്ന് തീരുമാനിക്കേണ്ടത് കോടതിയാണെന്നും അദ്ദേഹം പറഞ്ഞു. 'ദിലീപിനെ ഒരു കൂടപ്പിറപ്പിനെ പോലെയാണ് കാണുന്നത്. സഹപ്രവര്‍ത്തകന്‍ എന്ന നിലയ്ക്ക് അദ്ദേഹത്തിന്റെ കൂടെയാണ്. അദ്ദേഹത്തെ താന്‍ ആശ്വസിപ്പിച്ചിട്ടുണ്ട്, അദ്ദേഹത്തിന് വേണ്ടി പ്രാര്‍ത്ഥിക്കുന്നു ഇടക്ക് ഇടക്ക് വിളിക്കാറുണ്ട്. ദിലീപിന് ഇങ്ങനെ ഒരു കാര്യം ചെയ്യാന്‍ കഴിയില്ല. ആ കുട്ടിക്ക് അങ്ങനെ വന്നതില്‍ അതിയായ ദുഃഖം ഉണ്ട്. സിഎെഡി മൂസ എടുക്കാൻ നടക്കാന്‍ ഇനിയും രണ്ടു വര്‍ഷങ്ങളില്‍ കൂടുതല്‍ എടുക്കുമെന്നും ജോണി പറയുന്നു. ഒരുപാട് ആര്‍ട്ടിസ്റ്റുകളെ നഷ്ടമായിട്ടുണ്ട്. ഒടുവില്‍ ഉണ്ണിക്കൃഷ്ണന്‍, കൊച്ചിന്‍ ഹനീഫ തുടങ്ങിയവര്‍ ഇപ്പോ ഇല്ല. സ്റ്റോറി ബോ‍ർഡോക്കെ സെറ്റ് ചെയ്യാൻ ഒരു പാട് സമയമെടുക്കുമെന്ന് ജോണി ആൻ്റണി പറഞ്ഞു.