Also Read: വീണ്ടും സ്റ്റൈലിഷ് ലുക്കിൽ മോഹൻലാൽ; പുത്തൻ കൺസെപ്റ്റ് ഫോട്ടോഗ്രഫി ചിത്രം വൈറൽ!
'നാൽപ്പത്തിയൊന്നി'നു ശേഷം
നാൽപ്പത്തിയൊന്ന് എന്ന ചിത്രത്തിന് ശേഷം സംവിധായകൻ ലാൽ ജോസ് സംവിധാനം ചെയ്യുന്ന ചിത്രമാണ്, ഏറെക്കാലത്തിന് ശേഷം ദുബായിൽ ചിത്രീകരിക്കുന്ന ഒരു മുഴുനീള മലയാള സിനിമയായിരിക്കും ഇത്. ചിത്രത്തിൻ്റെ ഷൂട്ടിങിന് 14ന് തുടക്കമാകും എന്ന പുതിയ വിശേഷമാണ് ഇപ്പോൾ ശ്രദ്ധ നേടുന്നത്.
ദുബായ് കഥ
ഡോ ഇക്ബാൽ കുറ്റിപ്പുറമാണ് ചിത്രത്തിന് തിരക്കഥ ഒരുക്കുന്നത്. 'അറബിക്കഥ', 'ഡയമണ്ട് നെക്ലേസ്', 'വിക്രമാദിത്യന്' എന്നീ സൂപ്പര്ഹിറ്റ് വിജയ് ചിത്രങ്ങള് ശേഷം ആറു വര്ഷത്തെ ഇടവേളക്ക് ശേഷം ഡോ. ഇക്ബാല് കുറ്റിപ്പുറം ലാല്ജോസ് ചിത്രത്തിന് വേണ്ടി എഴുതുന്ന നാലാമത്തെ തിരക്കഥയാണ് ഇതെന്നതും ചിത്രത്തിൻ്റെ പ്രത്യേകതകളിലൊന്നാണ്.
ജസ്റ്റിൻ വർഗ്ഗീസ് സംഗീതം
സൗബിന് ഷാഹിര്, മംമ്ത മോഹന്ദാസ് എന്നിവരാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. സലിം കുമാറാണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ഇവർക്കൊപ്പം ഹരിശ്രീ യൂസഫും മൂന്നു കുട്ടികളും ചിത്രത്തിലുണ്ടാകും. വൈവിധ്യമായൊരു കുടുംബ പശ്ചാത്തലത്തിലുള്ള കഥയാണ് പുതിയ സിനിമ പറയുന്നതെന്നാണ് റിപ്പോർട്ടുകൾ.
സുഹൈല് കോയയുടെ വരികൾ
'തണ്ണിമത്തന് ദിനങ്ങള്' ഫെയിം സംഗീത സംവിധായകനായ ജസ്റ്റിന് വര്ഗീസാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. സുഹൈല് കോയ ആണ് ഗാനങ്ങൾക്ക് വരികളൊരുക്കുന്നത്. അജ്മല് ബാബുവാണ് ചിത്രത്തിൻ്റെ ഛായാഗ്രഹണം നിർവ്വഹിക്കുന്നത്. ശ്രീജിത്ത് ഗുരുവായൂര് മേക്കപ്പും സമീറ സനീഷ് വസ്ത്രാലങ്കാരവും നിർവ്വഹിക്കും. തോമസ് തിരുവല്ലയാണ് ചിത്രം നിര്മ്മിക്കുന്നത്.