ആരാടാ തടയാന്‍?
ഞാനൊരു സിനിമ പിടിക്കാന്‍ പോകുവാടാ ആരാടാ തടയാന്‍? എന്ന് ലിജോ പോസ്റ്റ് ചെയ്തിരുന്നു. ഇതോടെ ആരാടാ തടയാന്‍? എന്നാണോ പുതിയ സിനിമയുടെ പേരെന്ന് ചോദിച്ചു കൊണ്ട് ട്രോളുകളും ഇറങ്ങിയിരുന്നു.
പേരല്ല തീരുമാനമാണ്
ട്രോളുകള്‍ക്ക് മറുപടി നല്‍കി ലിജോയുടെ അടുത്ത പോസ്റ്റെത്തി. സിനിമയുടെ പേരല്ല തീരുമാനമാണ് എന്നായിരുന്നു ലിജോയുടെ പ്രതികരണം. അപ്പോഴും ലിജോയുടെ വാക്കുകള്‍ ആവേശപ്പുറത്തുള്ള പ്രതികരണങ്ങള്‍ മാത്രമാണെന്നായിരുന്നു ആരാധകര്‍ കരുതിയിരുന്നത്.
Also Read: വാരിയംകുന്നന്‍: പൃഥ്വിയ്ക്കെതിരെ സെെബര്‍ ആക്രമണം, അമ്മയ്ക്കെതിരേയും അധിക്ഷേപം
പുതിയ ചിത്രം
എന്നാല്‍ ഇപ്പോഴിതാ തന്റെ പുതിയ ചിത്രം പ്രഖ്യാപിച്ചിരിക്കുകയാണ് ലിജോ. എ എന്നാണ് പുതിയ ചിത്രത്തിന്റെ പേര്. ഇതിന്റെ ഫസ്റ്റ് ലുക്കും പുറത്ത് വിട്ടിട്ടുണ്ട് ലിജോ. ജൂലെെ ഒന്നു മുതല്‍ ചിത്രീകരണം ആരംഭിക്കുകയും ചെയ്യും. പോസ്റ്റര്‍ ആരാധകരില്‍ കൗതുകമുണ്ടാക്കിയിട്ടുണ്ട്.
എ എന്നാല്‍ ആന്റിക്രെെസ്റ്റ്?
ചിത്രം എറോട്ടിക് ഴോണറില്‍ ഉള്‍പ്പെടുന്നതാണോ എന്നാണ് ആരാധകര്‍ ഉന്നയിക്കുന്ന ഒരു സംശയം. മറ്റൊരു സംശയം എ എന്നാല്‍ ആന്റിക്രെെസ്റ്റ് ആണോ എന്നാണ്. നേരത്തെ ലിജോ ആന്റിക്രെെസ്റ്റ് എന്നൊരു ചിത്രം ഒരുക്കുന്നതായി റിപ്പോര്‍ട്ടുകളുണ്ടായിരുന്നു. എന്തായാലും ആരാധകര്‍ ആവേശത്തിലാണ്.