സൂര്യയും വിജയ് സേതുപതിയും പാർവതിയും; 'നവരസ'യുമായി 9 സംവിധായക‍ർ

അടുത്തിടെ തമിഴ് ആന്തോളജി ചിത്രമായ 'പുത്തൻ പുതു കാലൈ' ആമസോണ്‍ പ്രൈം വീഡിയോയി സ്ട്രീം ചെയ്ത് മികച്ച അഭിപ്രായം നേടിയിരുന്നു. ഇപ്പോഴിതാ അതിന് പിന്നാലെ നെറ്റ്ഫ്‌ളിക്‌സ് ഒരു തമിഴ് ആന്തോളജി ചിത്രം സ്ട്രീം ചെയ്യാൻ ഒരുങ്ങുകയാണ്. 'നവരസ' എന്ന് പേരിട്ടിരിക്കുന്ന ആന്തോളജി സിനിമയിൽ ഒമ്പത് ഹ്രസ്വ ചിത്രങ്ങളാണുള്ളത്. 9 സംവിധായക‍ർ ഒരുക്കുന്ന സിനിമകൾ നിർമ്മിക്കുന്നത് തമിഴിലെ ശ്രദ്ധേയ സംവിധായകനായ മണിരത്‌നവും ജയേന്ദ്ര പഞ്ചപകേസനും ചേർന്നാണ്. കെ.വി ആനന്ദ്, ഗൗതം വാസുദേവ മേനോന്‍, ബിജോയ് നമ്പ്യാര്‍, കാര്‍ത്തിക് സുബ്ബരാജ്, പൊന്‍ റാം,ഹലിതാ ഷമീം, രതിന്ദ്രന്‍ ആര്‍ പ്രസാദ്,അരവിന്ദ് സ്വാമി, കാര്‍ത്തിക് നരേൻ എന്നിവരാണ് 9 സംവിധായകര്‍.

Also Read: പുത്തൻ ഹെയർ സ്റ്റൈലിൽ മിന്നി പ്രാർത്ഥന ഇന്ദ്രജിത്ത്, ഇൻസ്റ്റാഗ്രാമിൽ വൈറലായി വീഡിയോ!

ശ്രദ്ധേയ താരനിരയാണ് ഓരോ ചിത്രത്തിലും അഭിനയിക്കുന്നത്. സൂര്യ, അരവിന്ദ് സ്വാമി, വിജയ് സേതുപതി, പാര്‍വതി തിരുവോത്ത്, സിദ്ധാര്‍ത്ഥ്, പ്രകാശ് രാജ്, രേവതി, നിത്യാ മേനന്‍, ഐശ്വര്യാ രാജേഷ്, പൂര്‍ണ, റിതിക, ശരവണന്‍, അളകം പെരുമാള്‍, പ്രസന്ന, ബോബി സിംഹ, അശോക് സെല്‍വന്‍, റോബോ ഷങ്കര്‍, രമേഷ് തിലക്, സനന്ത്, വിക്രാന്ത്, ഗൗതം കാര്‍ത്തിക്, വിധു എന്നിവരാണ് ഒമ്പത് സിനിമകളിൽ അഭിനയിക്കുന്ന താരങ്ങള്‍.

Also Read: മാലിക്കിന് ശേഷം മഹേഷ് നാരായണൻ്റെ പുതിയ ചിത്രത്തിലും ഫഹദോ?

ഓരോ ചിത്രത്തിനും സന്തോഷ് ശിവന്‍, ബാലസുബ്രഹ്മണ്യം, മനോജ് പരമഹംസ, അഭിനന്ദന്‍ രാമാനുജം, ശ്രേയസ് കൃഷ്ണ, ഹർഷ്വീർ‍ ഒബറായ്, സുജിത് സാരംഗ്, വി.ബാബു, വിരാജ് സിംഗ് എന്നിവരാണ് ഛായാഗ്രഹണം നിർവ്വഹിക്കുന്നത്. പട്ടുക്കോട്ടെ പ്രഭാകര്‍, സെൽവ, മദന്‍ കാര്‍ക്കി, സോമീതരന്‍ എന്നിവരാണ് തിരക്കഥയൊരുക്കുന്നത്. എ ആര്‍ റഹ്മാന്‍, ഇമന്‍, ജിബ്രാന്‍, അരുല്‍ദേവ്, കാര്‍ത്തിക്, രോണ്‍ ഏതന്‍ യോഹന്‍, ഗോവിന്ദ് വസന്ത, ജസ്റ്റിന്‍ പ്രഭാകരന്‍ എന്നിവരാണ് സംഗീത സംവിധാനം. 9 സിനിമകള്‍ 9 വികാരങ്ങൾ എന്ന ടാഗ് ലൈനിലാണ് ചിത്രം ഒരുങ്ങുന്നത്.

Also Watch :